Gjatë një prononcimi live, në një nga televizionet kombëtare, Presidenti Ilir Meta theksoi se, sondazhet janë të porositura dhe se nesër do të argëtohemi me to.
Fjala e plotë e Kreut të Shtetit:
“Sot është një ditë e mrekullueshme për Shqipërinë. Populli tregoi se është popull evropian. Duhet të vazhdojë edhe procesi i administrimit në mënyrë evropiane. Sondazhet e publikuara nuk mund të ndikojnë në procesin e administrimit të votave, që është i garantuar dhe do të shkojë shumë mirë.”,- tha Presidenti Meta.
“Çdo votë do numërohet dhe çdo gjë është e filmuar. Të gjitha sondazhet janë të porositura. Sondazhi i vërtetë është në kutitë e votimit. Nesër do argëtoheni me sondazhet që keni publikuar të gjithë ju.”,- tha më tej Kreu i Shtetit.
“Nuk ka forcë në botë që mund të ndryshojë edhe një votë të sovranit se do të bëhet hataja. Shqipëria i ka të hapura rrugët për të nisur negociatat me BE-në. Unë jam sot shumë i qetë sepse sovrani votoi shumë i qetë. Unë di që sot populli i Shqipërisë tregoi se është një popull shqiponjash dhe se është një popull shumë më i avancuar se lidershipi i tij politik.Rroftë populli i Shqipërisë, rroftë sovrani. Të fala nga Vlora”,- shtoi më tej Presidenti i Republikës.