Muaji shtator është cilësuar si muaji i emocioneve, për shkak të ndryshimeve që pasojnë në ecurinë e fëmijëve, por edhe të familjes. Hapat e parë drejt dijes janë hapat drejt së ardhmes, por shpesh herë kjo shoqërohet me ndjesinë e adaptimit individual te secilit në ambientet e reja shkollore.
Disa autorë e përkufizojnë si përshtatje active personale me mjedisin shoqëror të shkollës. Të kuptuarit e procesit të adaptimit dhe krijimi i kushteve optimale është ndihma më e mirë për fëmijën për të përballuar atë.
Kryesisht shkaqet e vështirësisë së përshtatjes ndahen në shkaqe të brendshme: karakteristikat e personalitetit, papjekuria, funksionet e pazhvilluara neuropsikike, nivel i ulët i aftësive komunikuese dhe paaftësia për të punuar në mënyrë konstruktive me stafin e mësuesve apo shokët/shoqet.
Shkaqet e jashtme kushtëzohen nga natyra e procesit arsimor. Në shkollën fillore procesi arsimor ka karakter më formal sesa parafillor.
Sipas nje studimi të kryer, të pranuarit dhe të kuptuarit e ndryshimeve të para të fëmijëve është çelësi kryesor për të përmirësuar të gjithë përshtatjen, gjë që ndikon në suksesin akademik të fëmijëve jo vetëm në fazat e para, por dhe në të ardhmen.
Si prindër dhe kujdestarë, ne mund të mbështesim fëmijët, ndërsa ata përgatiten të hyjnë në vitin e ri shkollor përmes këshillave të vogla praktike.
- Përqafoni aventurën. Flisni për atë emocion, për atë që i bën të pasigurt/ sigurt dhe vendosni synime çdo ditë, në mënyrë që të ndihen të plotësuar dhe krenarë që i kanë përmbushur ato.
- Njihni ndjenjat e tyre. Në vend të kapërceni frikën e tyre, vërtetoni sesi ndihen, ndërsa vazhdoni t’i inkurajoni.
- Gjeni mënyra për të praktikuar atë që fëmija juaj do bëjë gjatë vitit të ri shkollor. Mund të paraqesë shenja të ankthit të ndarjes, prandaj është e udhës të praktikoni gjate kohës së lirë lojëra, duke e lënë fëmijën të mësojë. Çdo përvojë e re krijon besim dhe pavarësi.
- Rutina e ditës. Përgatitja e mëngjesit, rutina e rregullt e vakteve, larja e dhëmbëve, apo të bërit dush janë detaje që kryesisht fëmijët i pëlqejnë.
- Jini shembull. Fëmijët e vegjël kuptojnë emocionet e prindërvë të tyre, prandaj përqëndrohuni tek pozitiviteti dhe drejtohuni atyre me pyetje të hapura, për të nxitur dialogun dhe ndarjen e mendimeve të të vegjëlve.
- Bëjeni të veçantë. Festoni, inkurajoni dhe qëndrojini pranë!
Për një vit të ri shkollor plot me aventura emocionuese .
