Trupi i pajetë i një të moshuari është gjetur nga policia në banesën e tij në lagjen 4 Heronjtë” në qytetit e Vlorës.
Viktima është 91 vjeçari Seri Petanaj, i cili dyshohet të jetë vrarë me thikë, pasi në trup i janë gjetur disa shenja të shkaktuara nga një mjet prerës.
91 vjeçari jetonte i vetëm në banesë dhe policia ka shkuar aty pas denoncim të bërë nga i biri se ai nuk i përgjigjej në telefon dhe nuk i hapte derën.
Menjëherë është ngritur një grup hetimor dhe nën drejtimin e Prokurorisë po vijojnë hetimet e mëtejshme në lidhje me zbardhjen ngjarjes.
