Edhe këtë herë erdhi vjeshta,
të trokasë në mendimet e mia
Të më njohë me skutat e fshehta,
e kuqërremtë vishet nostalgjia!
Edhe këtë herë vjeshta trokiti,
në kraharor, vrullin të japë…
Kujtimet e largëta ajo arriti,
t’i marrë hua dhe kthejë prapë.
Edhe sot vjeshta po flet,
me gjuhën e artë në zemrat tona;
Ashtu si dikur, gjethet i tret
në qiell me yje në netët e vona…
Cdo shpirt i humbur vjeshtën sjell,
me mengjeset herët, të lagur nga shiu…
Në pemët e zhveshura ngrohtësi përcjell,
trishtimin bën shtegtar të çdo njeriu.