Kallashin në dorë,
ligjet ndenë bythë
dhe kapitalizmin,
po ndërtojmë të gjithë.
Në një dorë hurin,
vra e bë hatara
që kapitalizmi
të marshojë përpara.
Në një dorë koburen
të vrasim në pritë,
ndaj kapitalizmi
lulëzon përditë.
Në një dorë timonin,
në një celularin,
kush na del në rrugë
garant e ka varrin.
Në një dorë tritolin,
sepse lirë e gjen,
dhe të lëmë pa pjesë
ndonjë biznesmen.
Në një dorë hanxharin,
dhe në tjetrin hurin,
vjera godet nusen,
nusja zjarr mbi burrin.
Në një dorë bombat
tjetrën tek litari
që t’i vëmë gjobë
ndonjë tregtari.
Në një dorë kallashin,
maskën në surrat,
vetëm në pak banka
s’janë vjedhur paratë.
Në një dorë kazmën,
ec e mos ndalo!
Çdo ndërtim monist
prish edhe shkatro.
Në dorë motosharat
dhe gjithshka e premë.
Jo që s’ka më pyje,
po s’mbetën as pemë!
Në dorë dollarët
jepja gjyqtar trapit.
Ndryshe drejtësi
gjen tek bythë e rrapit.
Në dorë granatat:
s’duhet lopë e dash
dhe kasollen ktheje
depo për hashash.
Në dorë bisturinë
që të ndryshosh dua.
Burri veglat heq
edhe gdhihet grua!
Në dorë pashaportën
dhe merr aratinë…
Tek ne ky sistem
ngjan me një çmendinë.
Në një dorë kallashin,
vrap në front të parë.
Eh çkapitalizëm
alla shqipëtar!
Në një dorë kallashin
vidh e vra e pre!
Ç’mut kapitalizmi
është këtu tek ne!