Të fitojë Flamurtari kundër Kastriotit në një ndeshje në Kupë është gjëja më normale. Në Kupë apo kampionat qoftë. Sepse Flamurtari është një klub me traditë dhe një emër i madh i futbollit shqiptar.
Mirëpo përbën lajm kur ai militon në Kategorinë e Dytë dhe eliminon nga Kupa krutanët duke i mundur 4-2, ndërkohë që ndeshja e parë kishte përfunduar me rezultatin 0-0. Madje fitorja e vlonjatëve ka nxjerrë blof edhe kompanitë e basteve jashtë Shqipërisë (sepse këtu nuk lejohen më baste), të cilat e konsideronin thuajse formalitet fitoren e Kastriotit, duke e kuotuar me koeficientin 1,25.
Mirëpo ja që ka edhe surpriza dhe lum ata bastexhinj që kanë besuar te fitorja e Flamurtarit, sepse koeficienti ka qenë 8.9. Barazimi për këtë ndeshje ishte kuotuar me koeficientin 5.05.