Universiteti ‘Eqrem Çabej’ në Gjirokastër nderoi me titullin ‘Doctor Honoris Causa’ dy personalitete të shquara, akademikun Shaban Sinani dhe ish-ministrin e Financave, Prof.Dr. Arben Malaj. Sinani është publicist i njohur, studiues i letërsisë dhe etnolog. Arben Malaj është anëtar i Këshillit Mbikëqyrës të Bankës së Shqipërisë që prej muajit dhjetor të vitit 2018. Prof. Dr. Malaj ka qenë Ministër i Financave gjatë periudhës 1997-1998 dhe 2003-2005, Ministër i Ekonomisë gjatë periudhës 2002-2003, duke shërbyer edhe si Guvernator i Shqipërisë pranë Bankës Botërore. Po kështu ka edhe një përvojë të gjatë në fushën akademike. Akademik Shaban Sinani dhe Prof.dr. Arben Malaj me angazhimet e tyre, intelektuale, akademike, dhe me një përkushtim të madh kanë promovuar, kulturën, traditat dhe çka është më e rëndësishmja kanë promovuar vlerat e vendit tonë.
