Rama ‘lë nam’, mashtron me videon skandaloze ku kërcënoi shqiptarët se do i dhunonte me shkopinj gome

61
Kryeministri Edi Rama publikoi sot në Facebook një video ku sipas tij policia spanjolle kishte reaguar ashpër ndaj qytetarëve që kishin thyer masën e karantinës dhe kishin dalë në rrugë. Nisur nga ky precedent, kreu i qeverisë paralajmëroi shqiptarët se i pret i njëjti fat, duke shkruar se “forcat e rendit e kanë ndarë mendjen”.

Por në fakt, nga një kërkim i thjesht, zbulon tjetër gjë. Turma e njerëzve që vrapojnë dhe forcat e policisë që i ndjekin nga pas duke i goditur me shkop gome, janë shkëputur nga një protestë antiqeveritare në Algjeri. Policia ka ndërhyrë duke e shpërndarë dhunshëm turmën. Videoja është publikuar në youtube në datën 8 mars.

Ndërkohë, më herët, gjatë një videomesazhi nga shtëpia e tij në Surrel, Rama paralajmëroi me përdorimin e forcës nga policia dhe ushtria nëse qytetarët thyejnë masën e karantinimit. Ai shkoi deri aty sa tha se forcat e rendit do të përdorin gazin lotsjellës dhe ujin me presion.

Video e protestave në Algjeri

Mashtrimi i Ramës

🔴 KËTË VIDEO NGA SPANJA KU DJE VDIQ NJË NJERI ÇDO KATËR MINUTA, PO E POSTOJ PËR TË GJITHË ATA QË DO SHKOJNË TË BËJNË PAZAR NGA E HËNA E DERI NË FUND TË LUFTËS! 🔴 O NJË NGA NJË, NË RADHË SI USHTARË DHE ME DURIM E NË DISTANCË NGA NJËRI – TJETRI TË MBAROJNË TË GJITHË PUNË ME RADHË, PA VRARË NJERËZ MAJTAS – DJATHTAS, O PASTAJ ME VRAP E PA BËRË DOT AS PAZAR…🔴 ZGJIDHNI E MERRNI, SE FORCAT E RENDIT E KANË NDARË MENDJEN TOP DHE KANË PËRGJEGJËSINË HISTORIKE TË REAGOJNË PA ASNJË TOLERANCË👊

Gepostet von Edi Rama am Samstag, 21. März 2020