Nga dita e hënë, Shqipëria ndërpret të gjitha fluturimet me jashtë vendit, duke u izoluar totalisht, me përjashtim të linjës “Air Albania” e cila do të fluturojë në Stamboll. Aeroporti i Tiranës, TIA, në një njoftim zyrtar sqaron se deri në një njoftim të dytë do të jenë të mbyllura të gjitha fluturimet, si dhe shton se transporti i mallrave do të vijojë. Lajmi konfirmohet edhe nga Ministria e Energjisë dhe Infrastrukturës, që bën me dije se nga mesnata e të dielës, do të ndalohen fluturimet ajrore nga dhe për në Gjermani, Austri, Zvicër dhe Hungari.
