Rinia po ikën, rinia po emigron, do të doja shumë që ato të rinj socialistë,që po flasin në shesh të qanin hallin e bashkëmoshatarëve tyre.
T’i tregonin Kryeministrit se si trajtohen në fakultete, se si vlersohen… si notën e mirë e merrë djali i prokurores, nipi i ministres, mbesa e drejtorit dhe ato që realisht mësojnë dhe ngelen në vjeshtë.
T’i tregojnë se e nisin 200 studentë vitin akademik dhe gjysma e lën në simestrin e parë se emigrojnë, nuk e përballojnë dot koston e Tiranës dhe tarifat që rriten çdo ditë.
Tregojani se si të gjithë ata që presin të diplomohen kanë një ëndërr, Gjermanin… Mos u mundoni kot të thurni lëvdata të “rrejshme” sepse sytë tuaj flasin më shumë se goja që bëlbëzon…
Jeni e mbeteni krenari e vendit, mos pranoni t’u bini ndesh miqve tuaj dhe vuajtjeve që ndani çdo ditë me ta. Mos pranoni të bëheni “vegla qorre” të një njeriu që është përgjegjës për dështimin e të gjitha reformave dhe marrjen peng të fatit tuaj.
