Një makinë policie është përplasur me një mjet tjetër ditën e sotme tek “kryqëzimi i Bërxullit” në Tiranë.
Si pasojë e përplasjes janë lënduar dy punonjës policie dhe pasagjerja e automjetit tjetër.
Policia njofton se të lënduarit ndodhen në spital jashtë rrezikut për jetën.
Njoftimi i policisë:
Më datë 07.02.2021, rreth orës 10:18, në Laknas, tek kryqëzimi i Bërxullit, janë përfshirë në përplasje mjeti i policisë me drejtues P. K, dhe pasagjer A. M ( aktualisht në shërbim), me mjetin me drejtues S. Xh., dhe pasagjere shtetasen E. Xh. Si pasojë e përplasjes janë dëmtuar dy punonjësit e policisë dhe pasagjerja në mjetin tjetër shtetasja E.Xh., të cilët ndodhen në spital, jashtë rrezikut për jetën.
Grupi hetimor ndodhet në vendngjarje dhe po punojnë për zbardhjen e rrethanave të aksidentit.
