Lushnje/ Po lidhte internetin, aksidentohet në punë 49-vjeçari, dy të arrestuar

50
Sigal

Një 49-vjeçar ka mbetur i dëmtuar rëndë për shkak se ka rënë nga lartësia e një shtylle ku po punonte për vendosjen e kabllove të internetit.

Lidhur me këtë ngjarje policia ka arrestuar R. S., 35 vjeç, banues në Dimal, dhe D. A., banues në Tiranë, Lushnjë (administratorë të një firme private), pasi në shkelje të rregullave të mbrojtjes në punë, nuk kanë marrë masa për sigurimin e jetës dhe shëndetit të punonjësve të firmës që administronin.

Njoftimi i policisë:

Specialistët për Hetimin e Krimeve të Komisariatit të Policisë Lushnjë arrestuan shtetasit R. S., 35 vjeç, banues në Dimal, dhe D. A., banues në Tiranë, Lushnjë (administratorë të një firme private), pasi në shkelje të rregullave të mbrojtjes në punë, nuk kanë marrë masa për sigurimin e jetës dhe shëndetit të punonjësve të firmës që administronin.

Për pasojë, gjatë montimit të disa kabllove optikë, ka rënë nga lartësia e një shtylle, në fshatin Golem i Vogël, punonjësi i kësaj firme, shtetasi A. L., 49 vjeç, i cili ndodhet në spital, nën kujdesin e mjekëve.