Ozil ka vendosur të vazhdoj karrierën në MLS, tri skuadrat favorite për të nënshkruar me të

331
Sigal

Mesut Ozil ka vendosur që përfundimisht të largohet nga Arsenali gjatë afatit kalimtar të janarit.

Mesfushori turko-gjerman nuk ka luajtur asnjë ndeshje këtë edicion me Arsenalin, pasi klubi nuk e ka përfshirë në listën e lojtarëve që luajnë në Ligën Premier e Ligën e Evropës.

32-vjeçari ka kontratë me Topçinjtë deri në verën e vitit 2021, por ai pritet të largohet në janar në drejtim të elitës së futbollit amerikan MLS.

Mediat amerikane kanë renditur edhe tri skuadrat që po shihen si favorite për të nënshkruar me të.

Los Angeles Galaxy, DC United dhe Inter Miami i David Beckham janë tri skuadrat që kanë mundësi t’ia plotësojnë kërkesat financiare lojtarit.

Lojtarit i mbetet tani të zgjidhë kontratën me Arsenalin në janar dhe të largohet në drejtim të MLS si futbollist i lirë.

Interesim për të ka edhe nga skuadra turke si Fenerbahce e Besiktas, por duket se vet Ozil ka vendosur që të transferohet në elitën e futbollit amerikan