Një foto po qarkullon nëpër mediat botërore pas ndeshjes së mbrëmshme mes Juventusit dhe Milanit të vlefshme për kampionatin italian.
Milani arriti të shtangë në 15 minuta kampionët duke i përmbysur rezultatin nga 0-2 në 4-2. Askush nuk e priste diçka të tillë, por 3 pikët i morën kuq-e-zinjtë.
Por ajo që u vu re gjatë ndeshjes ishte një e qeshur ironike që suedezi Zlatan Ibrahimovic bëri ndaj Cristiano Ronaldos pas shënimit nga pika e bardhë e penalltisë.
Prej vitesh shtatlarti i Milanit ironizon shpesh me deklaratat e tij ndaj portugezit duke thënë se “ai nuk është Ronaldo i vërtetë, por se i vërteti është Fenomeni Brazilian”.
Madje dhe kur Ronaldo kaloi nga Real Madrid tek Juventus, Ibra sërish nuk i ndali deklaratat duke thënë se “një kalim i tillë nuk është sfidë, po shkon në një ekip kampion. Sfidë është të shkosh në një ekip në vendin e 7 dhe ta nxjerrësh kampion. Prandaj unë po shkoj tek Milan”.