Fjalëkryqi 23 u zgjidh me Spanjën kampione e Botës 2026
Nga Agron KAJA
Kampionati Botëror i 23-të i Futbollit u fitua nga Spanja për të dytën herë (2010, 2026). Ai u zhvillua në tre shtete amerikane: SHBA, Kanada e Meskikë, dhe nisi më 11 qershor 2026 me ndeshjen e Grupit A, Meksikë-Afrika e Jugut 2-0, me golin e parë të shënuar nga meksikani Kuinones në miniutën e 9-të. Ndërsa u mbyll me finalen e madhe Spanjë-Argjentinë 1-0, me golin e fundit të shënuar nga Feran Torres në minutën e 106-të. Ndeshja për vendin e tretë dhe të katërt, Francë-Angli 4-6 përfundoi me goladë, pasi u shënuan 10 gola. Por në harkun e 39 ditëve, në 16 stadiume: 11 stadiume në SHBA, 2 në Kanda dhe 3 në Meksikë, u luajtën 104 ndeshje, nga të cilat: 72 në grupe, 16 në fazën 1/16, në fazën e 1/8 u luajtën 8 ndeshje, 4 ndeshje u luajtën në fazën çerekfinale si dhe 2 ndeshje në gjysmëfinale. Dy ndeshjet e fundit u luajtën 1 për vëndin e dytë e të tretë, dhe 1 ndeshje në finalen e madhe. Në këto 104 ndeshje të këtij kampionati botëror u shënuan edhe 308 gola, një mesatare me 3 gola për ndeshje, në të cilët shënuan emrat e tyre 178 futbollistë. Edhe golashënuesit më të mirë të këtij kampionati botëror, thuajse ishin nga skuadrat të cilat shkuan deri në fazat e fundit të zhvillimit të tij. Mes tyre janë edhe futbollistët që kryesuan deri në fund listën e golashënuesve. Kilian Mbape i Francës me 10 gola, Lionel Messi të Argjentinës me 8 gola, Erling Haland i Norvegjisë dhe Xhud Belingham të Anglisë me 7 gola, Herri Kein dhe Ousmane Dembele i Francës me nga 6 gola të shënuar. Në ndeshjet e grupeve u shënuan 215 gola, ku në Grupin I u shënuan 27 gola në 6 ndeshje, ndërsa më pak u shënuan në Grupin H, 11 gola në 6 ndeshje. Gjatë këtij eventi botëror të futbollit, e veçantë mbeti edhe lëvizja apo largimi i trajnerëve. Këtë lojë e nisi Tunizia me Sabri Lamushi e më pas Renhard, për të shënuar numrin 18 me Rudi Garsia të Belgjikës, i cili pas eliminimit në fazën çerekfinale nga Spanja, e kishte lënë të kuptohej largimi i tij nga bankina. Ndërsa në historinë e tyre si finalistë, Argjentina e ka fituar 3 herë Kampionatin Botëror të Futbollit (1978, 1986, 2022), Spanja e kishte fituar 1 herë (2010), dhe kjo ishte fitorja e dytë (2026). Pas këtyre ndeshjeve përmbyllëse, kujtojmë se kampionati i ardhshëm botëror i futbollit do të luhet në vitin 2030 në vëndet si organizatorë: Spanjë e Portugali në Europë, dhe Marok në Afrikë. Ky edicion përkon me 100 vjetorin nga nisja e këtij turneu, ndërsa Presidenti i FIFA-s Xhani Infantino ka hedhur idenë se mund të jenë edhe 64 skuadra pjesëmarrëse.
FITUESIT E BOTËRORËVE
Viti 1930 Uruguaji (1)
Viti 1934 Italia (1)
Viti 1938 Italia (2)
Viti 1950 Uruguaji (2)
Viti 1954 Gjermania (1)
Viti 1958 Brazili (1)
Viti 1962 Brazili (2)
Viti 1966 Anglia (1)
Viti 1970 Brazili (3)
Viti 1974 Gjermania (2)
Viti 1978 Argjentina (1)
Viti 1982 Italia (3)
Viti 1986 Argjentina (2)
Viti 1990 Gjermania (3)
Viti 1994 Brazili (4)
Viti 1998 Franca (1)
Viti 2002 Brazili (5)
Viti 2006 Italia (4)
Viti 2010 Spanja (1)
Viti 2014 Gjermania (4)
Viti 2018 Franca (2)
Viti 2022 Argjentina (3)
Viti 2026 Spanja (2)
Golat e shënuar në Botëror
Fazat e luajtura Gola
Në fazën e grupeve 215
Në fazën e 1/16-ve 42
Në fazën e 1/8-ve 23
Në fazën çerekfinale 12
Në fazën gjysmëfinale 5
Në vëndin e tretë 10
Në Finale 1
NË TOTAL 308
Golashënuesit më të mirë
Lojtari G
Kilian Mbappe 10
Lionel Messi 8
Xhud Belingham 7
Erling Haland 7
Ousmane Dembele 6
Herri Kein 6
Vlerësimet e Botërorit
Unai Simon “Doreza e Artë”
Pau Kubarsi I riu më i mirë
Rodri Topi i Artë
Mbappe Kryegolashënues
Holanda Fair-Play
Goli i 300-të
Futbollisti Bakayo Saka i Anglisë është lojtari që shënoi golin numur 300 në këtë kampionat botëror, në minutën e 37-të të ndeshjes për vëndin e 3-të e të 4-t, Francë-Angli 4-6. Golin e parë e kishte shënuar Kuinones i Meksikës, në minutën e 9-të të ndeshjes hapëse Meksikë-Afrika e Jugut, 2-0. U shënuan gjithësej 308 gola
Shpërblimet në rritje
Shpërblimi për skuadrën e Spanjës që fitoi kampionatin Botëror 2026 është 50 milionë dollarë. Ndërsa e Argjentina si skuadra finaliste përfitoi 33 milionë dollarë. Përballja për vendin e tretë i dha Anglisë shpërblimin me 29 milionë dollarë, dhe Francës 27 milionë dollarë. Në total, FIFA ka shpërndarë 871 milionë dollarë për rezultatet e arritura në këtë Botëror nga 48 skuadrat pjesëmarrëse.
Shpërblimet për fituesit
Fituesi i Botërorit: 50 mln $
Vendi i Dytë: 33 mln $
Vendi i Tretë: 29 mln $
Vendi i Katërt: 27 mln $
Unaza shpërblyese për fituesit
koleksion të kufizuar prej 2,026 unazash. Prej tyre, 30 shkuan për ekipit fitues Spanjën, ndërsa me 1,996 ishin të disponueshme në të gjithë botën për tifozët për t’i blerë si një produkt i licensuar zyrtar i FIFA-s. Çmimet ende nuk janë bërë të njohura. Menjëherë pas finales, Kapiteni dhe trajneri i ekipit të Spanjës, fituese të Botërorit, morrën nga një unazë të përkohshme, ndërsa secila nga 30 unazat për fituesit u personalizuan përpara se të paraqitet zyrtarisht në një datë të mëvonshme, e ngjashme me traditën amerikane.
Trajnerët e larguar
Trajneri Komb.
1.Sabri Lamushi (Tunizi)
2.Sebastian Bekaçe(Ekuador)
3.Havier Aguirre (Meksikë)
4.Roberto Martínez(Portugali)
5.Julian Nagelsman(Gjermani)
6.Ronald Kuman (Holandë)
7.Karlos Kueiroz (Gana)
8.Hong Mjung-bo (Koreja J)
9.Stiv Klark (Skoci)
10.Miroslav Kubek(Çeki)
11.Herve Renhard (Tunizi)
12.Jamal Salami (Jordani)
13.Zlatko Daliç (Kroaci)
14.Marcelo Bielsa (Uruguai)
15.Hugo Bros (Afrika J)
16.Pape Thiau (Senegal)
17.Didier Deshamp(Francë)
18.Rudi Garsia (Belgjikë)
