Modele të ndryshme qeverisjeje: Diferencat thelbësore te Shpenzimet për infrastrukturë, lufta kundër korrupsionit dhe sundimi i ligjit
Nga Martin Henze
Anëtar i Komitetit të Punëve të Jashtme të Këshillit Ekonomik, Berlin
CEO i Këshillit Strategjik Ndërkombëtar GSK.
Në një krahasim mes dy modeleve të qeverisjes, shpenzimet për infrastrukturë dhe lufta kundër korrupsionit zbulojnë kontrastet e thella mes Kosovës dhe Shqipërisë. Albin Kurti ka treguar një angazhim të fortë për sundimin e ligjit dhe transparencën, ndërsa Kryeministri shqiptar është përballur me akuza për manipulim të zgjedhjeve dhe përdorim të shtetit për mbrojtjen e interesave të grupeve të caktuara. Kosova ka avancuar në krijimin e një shteti demokratik, ndërsa Shqipëria lufton me pasiguri ligjore dhe përhapjen e korrupsionit.
Në analizën e fundit të realizuar nga anëtari i Komitetit të Punëve të Jashtme të Këshillit Ekonomik në Berlin, Martin Henze, ku përshkruhet situata politike dhe qeverisëse në Shqipëri dhe Kosovë, dy figura udhëheqëse, Albin Kurti dhe Edi Rama, dalin si përfaqësues të modeleve të ndryshme të qeverisjes dhe zhvillimit, dhe kjo është e dukshme jo vetëm në politikat e brendshme, por edhe në mënyrën si shpenzojnë resurset publike.
Shpenzimet dhe Dallimet në Infrastrukturë:
Një krahasim i thjeshtë mes shpenzimeve për infrastrukturë tregon qartë kontrastin e madh midis dy vendeve. Qeveria e Albin Kurtit ka shpenzuar 7.9 milionë euro për ndërtimin e 42 kilometrave të rrugëve, një investim i menaxhuar me kujdes dhe transparent. Nga ana tjetër, qeveria e Edi Ramës ka shpenzuar një shumë marramendëse prej 400 milionë dollarësh për vetëm 43 kilometra rrugë!
Lufta Kundër Korrupsionit:
Një tjetër dallim thelbësor midis Kosovës dhe Shqipërisë është mënyra se si dy udhëheqësit e tyre trajtojnë korrupsionin. Albin Kurti e ka bërë luftën kundër korrupsionit një nga shtyllat kryesore të mandatit të tij, duke promovuar një administratë të pastër dhe të përgjegjshme. Në Shqipëri, situata është ndryshe. Edi Rama dhe administrata e tij shpallin luftën kundër korrupsionit, por realiteti është i ndryshëm. Policia dhe drejtësia janë përdorur shpesh si mjete presioni dhe represioni ndaj opozitës, ndërsa vetë strukturat e pushtetit janë akuzuar për një praktikë të përhapur korrupsioni, veçanërisht në sektorët e ndërtimit dhe të energjisë. Prokuroria dhe SPAK, që duhej të ishin institucione të pavarura dhe të fuqishme për të luftuar korrupsionin, shpesh janë akuzuar për ndikim politik dhe për përdorim të dyfishtë të pushtetit.
Kosova: Një Model i Shtetit Demokratik, Shqipëria: Shteti i Pushtetit të Përqendruar
Në nivelin e administratës dhe të institucioneve, dallimet mes Kosovës dhe Shqipërisë janë të theksuara. Kosova ka bërë hapa të mëdhenj për të konsoliduar demokracinë dhe sundimin e ligjit. Në Shqipëri, megjithatë, liria e shtypit është seriozisht e kërcënuar, me administratën e Ramës që përdor ndikimin e saj për të frenuar kritikët dhe për të shtypur opozitën.
Shqipëria, Shtet Narkotik dhe pa Siguri Ligjore:
Një tjetër aspekt shqetësues për Shqipërinë është përhapja e krimit dhe narkotikëve. Shqipëria ka degjeneruar në një shtet të pushtuar nga trafikantët dhe bandat e narkotikëve, një realitet, i cili ka pasur ndikime të thella në shoqërinë dhe ekonominë shqiptare. Në kontrast, Kosova ka një fokus më të fortë në luftën kundër krimit të organizuar dhe korrupsionit, dhe ka bërë përpjekje serioze për të krijuar një mjedis më të sigurt ligjor dhe politik.
