Kuvend/ Unë jam Sali Berisha, s’ka prostitutë të thotë se i detyrohem një qindarkë

449
TIRANË – Ish-kryeministri Sali Berisha ka thënë një “të vërtetë të madhe”. Nga salla e Kuvendit, ndërsa mbajti një fjalë të gjatë për atë që ai e quan skandal me CEZ, Berisha tregoi disa nga “të vërtetat e mëdha të jetës” së tij 25-vjeçare në politikën shqiptare. “Nuk i detyrohem askujt, dhe as nuk më detyrohet askush”, – tha deputeti demokrati para kolegëve të tjerë deputet.
“Unë jam Sali Berisha, unë jam ky që jam 25 vjet rresht, për një fakt shumë të thjeshtë, se nuk i detyrohem kujt. Cilido burrë i ndershëm në cilindo nivel qoftë ai, horr dhe maskara në çdo nivel qoftë ai. Jam ky që në këtë tokë nuk gjen njeri të thotë që më bëri këtë nder për këtë post, nuk ka grua të ndershme që të thotë se më detyrohet një qindarkë, nuk ka prostitutë që të thotë se i detyrohem një qindarkë. Unë ju thash një të vërtetë të madhe, s’ka njeri në botë të thotë se as i detyrohem as më detyrohet”, tha Berisha.
Ish-kryeministri ishte duke folur me tone të larta dhe të ashpra sa i përket marrëveshjes CEZ-DIA për shlyerjen e borxheve, e ku të gjitha akuzat i adresoi ndaj mazhorancës.
Sigal