Ka 8 mënyra për të provuar faktin penal të Taulant Ballës

179
Sigal

Pas dëshmisë së Çapjes në prokurori se një ‘politikan me emrin Taulant” ka dalë në përgjimet e masakrës së 2016 dhe se këto përgjime janë asgjesuar me vendim gjykate, reagon ish prokurori i Krimeve të Rënda Eugen Beçi: Kodi penal ka forma të shumta të të provuarit. Nuk mund të themi që meqë u zhduk ky përgjim nuk mund të provojmë faktin penal. Përgjimet e Taulant Ballës janë vetëm për të marrë indicje, dhe kjo indicje tani ekziston!

Kodi penal ka forma të shumta të të provuarit. Ke 8 lloje të formave të marrjes së provave. Nuk mund të themi që meqë u zhduk ky përgjim nuk mund të provojmë faktin penal.

Në dëshminë e dhënë para pak ditësh, Ardian Çapja ka deklaruar se një “politikan me emrin Taulant” ka dalë në përgjimet e masakrës së shkurtit të vitit 2016. Sipas tij, gjatë hetimeve doli në përgjime emri i një politikani me emrin Taulant, por përgjimet u fshinë me urdhër të gjykatës. Ish-prokurori i krimeve të rënda, Eugen Beçi, u shpreh se përgjimi është një indicie për të shkuar te prova. Fakti që këto përgjime janë fshirë, nuk duhet të pengojnë hetimet që të shkojnë te indicia që ka dalë në dritë. Vendimi dhe kërkesa e prokurorit duhet të bindte gjykatën që kishte realizuar përgjimin ku ishte lapsusi. Lapsusi ngelet enigmatik sepse këto gjëra nuk ishin të sqaruar. Përgjimi i një politikani me emrin Taulant është zhdukur sepse procedua është e tillë. Përgjimi është një indicie për të shkuar te prova. Duke qenë një indicie që të çon te prova je i detyruar që me rrethana të tjera të shkosh te kjo indicie që të ka dalë. E njëjta gjë ndodh edhe me një përgjim telefonik. Edhe përgjimi telefonik do të çojë në nxjerrjen e indicies së disa rrethanave që do të çojë në një fakt penal apo jo. Nuk mund të marrësh përgjimin e telefonit dhe të sky-it për të dënuar një person. Nëse ka një lapsus që do gjendet apo jo personi me emrin Taulat ka forma të tjera të hetimit.

Mos-sqarimi i fjalës lapsus është problem. I pyetur se çfarë ishin ato përgjime që nuk dihet nëse janë shkatërruar me vendim gjykate teksa Berisha ka akuzuar Ballën në Parlament për një krim të rëndë të ndodhur në Elbasan, Beçi deklaroi “Procesi i të provuarit të një fakti penal nuk ka lidhje vetëm me këtë fenomen dhe fakt. Ideja është që jo vetëm ky episod mund të arrijë në procesin e të provuarit. Kodi penal ka forma të shumta të të provuarit. Ke 8 llojet e formave të marrjes së provave. Nuk mund të themi që meqë u zhduk ky përgjim nuk mund të provojmë faktin penal. Meqë është asgjësuar 48 orë përgjimi telefonik nuk do të thotë që s’mund të provohet fakti penal”. “Prokurori Ridvan Sukaj është i lidhur me krimin, i kam kërkuar që të zbardhen ngjarjet e mia që më janë bërë 3 atentate 2 në 2017 dhe një në 2020 me snajper. Pas masakrës së 3 shkurtit 2016 unë nuk kam dalë më nga shtëpia. Me avokatin e ndjerë Ravik Gurraj kemi marrë dosjen e ngjarjes së vitit 2016 dhe aty ka qenë në përgjim edhe një zyrtarë i lartë me emrin Taulant. Më pas kemi mësuar se me vendim të gjykatës së Elbasanit përgjimet e politikanit janë asgjësuar. Politikani me emrin Taulant më ka marrë në telefon dhe më ka ofruar ndihmë”, kjo ishte dëshmia e Çapjas.