Policia greke ka çmontuar një rrjet shqiptare të trafikut të drogës që vepronte në qendër të Athinës. Sipas policisë helene, organizata kriminale që trafikonte kokainë dhe kanabis në sheshet e Atikës, Klafthmonos dhe Qipros.
Gjatë operacionit policor janë arrestuar 4 anëtarë të organizatës, midis tyre dy shqiptarë dhe një nigerian, të moshës 60, 49 dhe 45 vjeç, si dhe një 30-vjeçar grek.
Elementet karakteristike të veprimit të anëtarëve të organizatës kriminale ishin përzgjedhja e shtëpive për ruajtjen e drogës pranë zonës më të gjerë të qendrës së Athinës, me qëllim që blerjen dhe shitjen e drogës të kryhej sa më shpejt. Llojet e ndryshme të lëndëve narkotike për të kapur një gamë të gjerë blerësish, bashkëpunim mes të huajve dhe grekëve, me qëllim rritjen e klientelës.
Gjithashtu gjatë kontrollit të policisë në automjete nëpër shtëpitë në Athinë dhe Agios Anargyros, u gjetën dhe konfiskuan kanabis me peshë 16 kg e 250,5 gram, të përpunuar me peshë 1333 g, vaj hashashi me peshë 750 g, kokainë me peshë 198,7 gram, 16 shishe me lëndë anabolike, pluhur i bardhë me përbërje kimike të panjohur me peshë 184 gram, sasia 4770 euro, pistoletë me karikator, 3 gëzhoja pistolete dhe 3 makina. Të arrestuarit u dërguan në Prokurorinë Publike të Athinës.