Ndërron jetë ditën e sotme në spitalin infektiv në QSUT, 72-vjeçarja nga Tirana, me inicialet V.S, e konfirmuar me koronavirus.
Sipas ministrisë së Shëndetësisë, e moshuara ishte në gjendje të rëndë shëndetësore në terapi intensive prej disa ditësh, ndërsa gjendja e saj është rënduar së tepërmi gjatë ditës së sotme, kur edhe është intubuar, por pavarësisht trajtimit mjekësor dhe përpjekjeve të mëdha të mjekëve, nuk ka arritur të mbijetojë.
72-vjeçarja vuante nga disa sëmundje bashkëshoqëruse: insuficenca renale kronike, hipertensioni dhe hipotiroidizëm.
E moshuara është viktima e 23 me koronavirus në Shqipëri.
