Një ngjarje e rëndë ka ndodhur në Tuz të Malit të Zi, ku për pasojë ka mbetur i vdekur një shqiptar.
Mediat malazeze bëjnë me dije se viktima është Edmont Gjinkolaj , trupi i të cilit u gjet sot në mëngjes në një livadh në fshatin Miles të Tuzit.
Ndërkohë bëhet e ditur se në polici është dorëzuar dhe më pas arrestuar edhe autori i kësaj ngjarje të rëndë. Ai quhet Paljoka Junqaj nga Mali i Zi, i cili rrëfeu krimin dhe dorëzoi armën me të cilën besohet se ka qëlluar për vdekje shqiptarin.
Sipas informacionit të policisë, shqiptari i vrarë hyri në Mal të Zi në 4 janar dhe ka qëndruar deri në momentin e vrasjes me disa shqiptarë të tjerë.
Ndërkohë nga autopsia e kryer rezulton se shqiptari gjeti vdekjen nga një plumb në kokë.
