Lufta e ftohtë
Gjithnjë kam kujtuar
se vetëm shtetet,
i shpallin njeri-tjetrit
Luftën e ftohtë!
Se dashuritë më tepër merren,
se sa jepen,
në këtë botë!
Gjithnjë kam harruar:
se për të dy, ne,
Një luftë si kjo ndoshta është e kotë!
Edhe qielli atje lart u bë memec,
dhe s’di ç’të thotë!
Unë nuk jam Akili
me vdekjen në thembër.
Jam i gjithi i vdekshëm
nëpërka ime!
Nuk ik nga kjo botë
për të gjetur një tjetër,
kur nuk jeton ti që të kam dhimbje!
Gjithnjë kam ëndërruar
të pushojë kjo luftë
dhe, le të jem unë
ai që humb!
Nëse çdo luftë, zakonisht,
bëhet me urrdhër,
ma sillni urdhëruesin
ta mund.
që të mos ngrerë më mure
në të tjera ndarje.
O Zot, që vazhdon ta bësh
këtë botë
më mirë një jetë
larg fitimtarëve,
se sa një ditë
në këtë Luftë të ftohtë!
