Fragment poeme
Mjaft! Mjaft mё!
U lodhёm me duartrokitje tё mjera
Kllounёsh bajatё,
Dёshtakёsh tё veckёl tё Kombit,
Tregtarёsh ambulantё shpirtrash!
Ah, moj toka ime!
Deri kur do t’i mbash kёto hijena?
Deri kur do t’i dёgjojmё
Tё na thёrrasin,
Tё na godasin,
Tё na kёlthasin,
Vrasin,
E ne,
Tё pafuqishёm veҫ t’u bindemi?!
Mjaft mё! Sipari ra.
Aktorёt dolёn nga skena
Duartrokitje s’ka mё
S’ka se si…
ҫurgat e lotёve na i njomin pёllёmbёt.
Hajt pra,le tё pёrpiqemi
Tё harrojmё disi kryqёzimin tonё tё gjaktё
Kemi kaq shumё nevojё pёr njёri-tjetrin!
Pёr ngrohtёsi, ngrohtёsi…
Dua tё jetoj.
Tё jetoj e lirё jetёn qё ma krijuan
Tё jetoj deri nё thellёsinё mё tё fundit
Deri nё hapёsirat mё tё paskajshme
Tё ngushёlloj ҫ’janё pёr tё ngushёlluar,
Tё gёzoj, ҫ’janё pёr tё gёzuar
Dhe kёsisoj tё ndihem e lumtur.
Po sa larg ёshtё kjo ёndёrr?
-larg sa njё ёndёrr…!
Mё duhet tё luftoj
Kurse ti, i ngazёllyer, i tronditur, i dridhshёm
Si nje gjeth qё nё tokё s’do tё bjerё,
Qёndron kёsaj nate bri meje dhe hesht.
Nё heshtje mё ve nё duar Lirinё!
Lirinё?!…
Askush nuk na pushtoi, asnjё i huaj,
Mё zi akoma,
-kishim pushtuar vetveten.
I kishim lidhur sytё, gojёn, trurin
Nё duar kishim rrasur nga njё flamurkё
E nga njё thikё.
Nuk shihnim, veҫ dёgjonim
Kumbimin e zёrit tё magjepsur
Dhe s’bёnim gjё tjetёr, veҫ vulosnim
Shkatёrrimin tonё
Gjithёsesi tё vdekur.
Dua tё jetoj!
Unё dhe fёmijёt e mi duam tё jetojmë
Nuk duam kurrёsesi tё bёhemi fli e njё karrigeje,
Njё busti,
Njё idhulli,
Njё ideje tё grisur!
Ku ёshtё rruga ime, ku?
E mbollёn me ҫibanё betoni
E shkelёn pёrdhunshёm
E pёshtynё, e rrёzuan, e vranё…
Dhe ju qё shfaqeni si hijena
Pёrse s’mё lini tё jetoj?
Fёmijёt e mi pёrse doni t’i vrisni?
Me ҫ’tё drejtё ju, na gёnjeni?
Me ҫ’tё drejtё ju,
Na ҫoni drejt vdekjes tё sigurt e pakthim?
Nё emёr tё kujt duhet tё flijohemi?
Nё ҫ’altar lirie duhet tё biem?
Nё fund tё fundit, pёr ҫ’liri bёhet fjalё?
Ndaj Unё dhe Fёmijёt e mi
Ju akuzojmё!
Ndaj Unё dhe Populli im
Ju akuzojmё!
Ndaj Unё dhe Historia
Ju akuzojmё!
Paҫka se ju, s’na dёgjoni
Nga zhurmat e karrigeve
Qё ia tёrhiqni tinёzisht njёri-tjetrit
Ne akuzojmё!
Akuzojmё!
Akuzojmё!
Nё emёr tё jetёs
Qё duam tё jetojmё!
Qoftё edhe duke shkelur
Mbi kufomat e trupave tuaj,
– vjedhur edhe ato,
Pёrdhunisht prej nesh!
…
Po ç’ёshtё kёshtu?
ҫ’po ngjet me shpirtin tim, tёndin,
Me ne tё gjithё qё jemi egёrsuar
Qё fjalёt na janё bёrё tё vrazhda,
Zemrat tё ftohta,
Jetesa e rёndё
Na ҫudisin dasmat,
Tё dashuruarit qё puthen
Nё po ato rrugё ku barisnin tanket,
Fёmijёt qё lindin,
Mimozat qё paskan ҫelur,
Dielli qё u bё mё i ngrohtё,
Kortezhet e pёrmotshme,
Lypsat qё janё po ata
Dhe deti qё qenka pёrsёri kaltёr!
O Zot! I paskemi harruar
Siҫ paskёshim harruar edhe ditёlindjet tona,
Siҫ mbyllёm nё kujtesё shumё gjёra
Nё emёr tё lumturisё,
Tё lumturisё sonё,
Nё emёr tё shumё netёve lumturi!