Suplementi Pena Shqiptare/ Mexhit Prençi: Shiu i kuq

236
Sigal

Libri “Shiu i kuq” përmban poezi me motive dhe tema sociale e historike, të zhveshura nga politizimi i kohës pa liri të socializmit; poezi nga realiteti jetësor i djeshëm e i sotëm shndërruar në realitet artistik; poezi me fantazi të arsyeshme, që lexuesi të perceptojë e përjetojë tekstin dhe nëntekstin që të marrë kënaqësi estetike, artistike dhe mesazhe lirie, drejtësie dhe njerëzore.

Formësimi strukturor i tij është bërë pa rregulla strikte. Poezitë dhe poemat janë radhitur sipas stilit, larmisë të tipeve poetike dhe motiveve të ndryshme.

 

SHIU I KUQ

Kur zhguli

kufijtë e arës,

iu duk se nxori

nga trupi një plumb

të mbetur në shpatull,

që i dhëmbi fort, fort…

I thanë, do shërohesh,

Shpejt, ashtu si gruri

kur i harrin barërat

e këqija, e ara jeshilon

pasi bie shi….

Por…Shiu qe i kuq.

erdhi nëpër vetëtima

e shkreptima, e dielli me

njolla u fsheh prapa

reve të zeza…

Gjysmë shekullore- Nata !…