Nuk kam asgjë më,çtë të them
Ti mund të bësh tani, ç ‘të duash
Merri me vete që të gjitha
Dhe fjalët që ,s ‘munde ti mi thuash
Nëse ke qejf merr dhe kujtimet
Me copëza deti si pasqyrë
Varkën e vogël ,të përmbysur
Ku rrinim shpesh gjer në të gdhirë
Akush s’do mund të të pengojë
Të shkosh mbas erës që lëviz
Ti mbetesh një furtunë e vogël
Që s’mund të mbyllesh në kornizë
Ndaj mos kërko të të ndërmënd
(Unë kokën prapa kurrë se mbaj )
Vëndi ku shkruaja numrin tënd
S’ do çel më lule ,as në maj
Unë do mbes prapë ai që isha
Përpara njohjes në stacion
Me pakëz rrudha tek këmisha
Dhe një cigare si gjithmonë
Mundet të shkosh ,nuk të pengoj
Unë skam ndermënd të të pres pas dere
Por me një kusht ,kur kam nevojë
Dërgomë ndonjë puthje herë pas here
