INTERVISTA/ Flet për “Telegraf” ish-sulmuesi i Partizanit, Ledjo Pano, refleksion mbi rrugëtimin 23 javor
Kupa dhe “Final 4” kërkojnë korrektesë nga arbitrat
Agron Kaja
Pas ndeshjeve të javës së 26-të pati disa lëvizje në renditje, ishin të pritshme?
Ndoshta nuk pritej fitorja e Skënderbeut me Laçin, dhe deri diku, edhe barazimi i Dinamo City me Egnatian, ku Dinamo tregoi se ka një ekip me ambicie. Ndërsa rezultatet e tjera mendoj se ishin të pritshëm, fitoret e Partizanit dhe Teutës.
Java e 26-të regjistroi edhe trajnerin e ri të shkarkuar, Mirel Josën nga Laçi, është e lartë shifra e bankinave: 23 në 10 skuadra!
Nuk është bërë hataja me këto lëvizje trajnerësh, sepse jemi mësuar me të tilla largime. Natyrisht që nuk është pozitive për skuadrën laçiane, por janë presidentët ata që i marrin këto vendime, rrisqet ja u faturojnë trajnerëve.
Si e parashikoni renditjen në fundin e fazës së tretë të Superiores?
Është java e fundit e fazës së tretë, por nuk mendoj se do ketë lëvizje të dukshme në renditje. Për këtë unë i referohem kalendarit të kësaj jave. Mund të kemi një ngritje të Dinamo City, për të tjerat nuk mendoj se do kenë lëvizje.
Nesër luhen ndeshjet çerekfinale të Kupës së 72-të të Shqipërisë, si i përshkruani tetë skuadrat e kualifikuara?
Besoj se Egnatia e Partizani kanë një mundësi të madhe për kualifikim, sepse kanë fituar ndeshjet e para në transfertë. Ndeshje për t’u parë është Tirana-Teuta, sepse durrsakët kanë ngritje, për Tiranën ky nuk është moment i duhur. Një parashikim i juaji për rezultatet dhe skuadrat që mund të kualifikohen në turin gjysmëfinal?
Mendoj se në gjuhën e basteve, këto ndeshje mund të dalin të katërta. Pra, fitojnë dhe kualifikohen skuadrat vendase: Egnatia, Partizani e Vllaznia si të sigurta, ndërsa unë do mendoja që në këtë katërshe të kishim edhe Teutën.
Çfarë keni konstatuar në rrugëtimin e këtij sezoni në të gjitha kategoritë, kampionat e kupë?
Vërej një cilësi jo të mirë të futbollistëve, ku lë për të dëshiruar se si mundohen ti zgjidhin ata situatat. Do doja më shumë shpirt gare nga ekipet, si Bylis dhe Elbasani në Kategorinë e Parë. Por, futbolli të jetë më i shpejtë dhe me alternativa.
Nga Kupa te Superiorja, sa ndikim mund të kenë në kampionat rezultatet e kupës?
Gjithmonë ndeshjet e Kupës kanë piksynim tjetër, kualifikim për një vend në Europë. Por ndikim mendoj se do ketë te ana fizike, jo në të tjera drejtime, sepse në këto ndeshje skuadrat do të kërkojnë maksimumin e tyre për t’u kualifikuar.
Një “Final 4” i juaji, si mund të jetë në fundin e fazës së katërt të Superiores?
Thuajse është i formatuar “Final 4” në Superiore. Sepse Egnatia, Partizani dhe Vllaznia thuajse e kanë të suguruar këtë pozicion, dhe një nga Tirana ose Dinamo City besoj se do të plotësojnë katërshen e skuadrave për titullin kampion.
Po renditja e Abissnet Superiore, mendoni se do të ketë lëvizje gjatë fazës së katërt?
Besoj se po. Nëse themi se te “Final 4” mund të jenë Tirana ose Dinamo City, këto lëvizje janë. Ndërsa në fund, Kukësi duket i destinuar për të rënë nga kategoria, ndërsa Erzeni me Teutën do ta diskutojnë një vend në fundin e renditjes.
Mendoj se në gjuhën e basteve, këto ndeshje mund të dalin të katërta. Pra, fitojnë dhe kualifikohen skuadrat vendase: Egnatia, Partizani e Vllaznia si të sigurta, ndërsa unë do mendoja që në këtë katërshe të kishim edhe Teutën.
KUPA E SHQIPËRISË
FAZA ÇEREKFINALE
E martë, 5 mars 2024
Egnatia-Laçi (1-0) 13:30
Partizani-Kukësi (1-0) 17:00
E mërkurë, 6 mars 2024
Tirana-Teuta (0-0) 13:30
Vllaznia-Erzeni (0-1) 17:00
FITUESIT NË VITE
Tirana 16 herë
Partizani 15 herë
Dinamo 13 herë
Vllaznia 8 herë
Flamurtari 4 herë
Teuta 4 herë
Elbasani 2 herë
Besa 2 herë
Laçi 2 herë
Kukësi 2 herë
Apolonia 1 herë
Skënderbeu 1 herë
Egnatia 1 herë
Mirel Josa
Ndërpreva bashkëpunimin, në të mirë të skuadrës
Në javën e 26-të të Abissnet Superiore, Mirel Josa dha dorëheqjen nga bankina e Laçit, e kushtëzuar më shumë kjo pas humbjes në fushën e tij 0-1 me Skënderbeun. Dje për gazetën “Telegraf”, Josa u shpreh shkurt e qetë për këtë ndërprerje të bashkëpunimit me skuadrën laçiane. “Unë jam profesionist dhe si i tillë u largova nga bankina e Laçit, natyrisht me konsensus me drejtuesit e klubit, vetëm për të mirën e skuadrës. Kur skuadra nuk funksionon në ritmin e synimeve, për mua kjo ishte rruga më e drejtë e profesioniste. Punuam fort e mirë dhe me mbështetjen e duhur për të qënë më sipër në renditje, por nuk është hera e parë që ndodh. Unë i uroj suksese skuadrës së Laçit, të ngjitet ku e meriton”, kështu përfundoi Mirel Josa në këtë bisedë. Laçi renditet në vendin e 7-të me 30 pikë, në rrezik mbijetese.
ABISSNET SUPERIORE
NDESHJET, JAVA 27
E dielë 10 mars 2024
Kukësi-Laçi 14:00
Erzeni-Partizani 14:00
Tirana-Egnatia 17:00
E hënë, 11 mars 2024
Dinamo City-Teuta 17:00
Skënderbeu-Vllaznia 17:00
“Rekordi” me trajnerët, Laçi barazon Kukësin!
Javën e kaluar, në gazetën “Telegraf” u botua një shënim lidhur me trajnerët, që kanë drejtuar në Abissnet Superiore për sezonin në vazhdim 2023-2024. Deri atëhere, në stolat e 10 skuadrave ishin ulur 22 trajnerë, me skuadrën e Kukësit të quajtur si “rekordmene” dhe fituese e trofeut, me katër trajnerë në 24 javë. Por këtë “rekord” e barazoi Laçi në javën e 26-të, pasi ka shkarkuar Mirel Josën, i cili u ul në stolin kurbinas pas largimit të Skerdi Bajzades, që nga ana e tij kishte zëvendësuar Stavri Nicën. Armando Cungu bëhet i katërti trajner në bankinën kurbinase, i cili rikthehet në Laç pasi e ka drejtuar në vitet 2014-2015 dhe 2019-2020. Nuk i dihet nëse “rekordi” laçian do mund të thellohet në 10 javët e mbetura.
RENDITJA
Skuadrat Nd Pikë
1.Egnatia 26 50
2.Vllaznia 26 46
3.Partizani 26 43
4.Skënderbeu 26 37
5.Dinamo City 26 36
6.Tirana 26 35
7.Laçi 26 30
8.Teuta 26 28
9.Erzeni 26 26
10.Kukësi 26 19
KATEGORIA E PARË/ Flet për “Telegraf” trajneri i skuadrës dibrane, Shpendi Kumbarçe, i kënaqur me renditjen
“Korabi”, skuadër e ndërtuar për t’u ngjitur në Superiore
Agron Kaja
Skuadra e Korabit i mbylli dy fazat e para të kampionatit të Kategorisë së Parë 2023-2024 me një renditje në vendet e kreut në tabelë. Këtë paraqitje, kjo skuadër e ka patur në vazhdimësi në tre-katër sezonet e fundit, madje është ndeshur në dy raste edhe me skuadra të Superiores për t’u ngjitur në këtë kategori. Edhe në këtë sezon, dibranët renditen në grupin e katër skuadrave që do ndeshen mes tyre në Play-off, për të përcaktuar skuadrën që më pas ndeshet me skuadrën e vendit të 8-të të Superiores, për t’u ngjitur në atë kategori. Për formën që po kalon skuadra, dhe për problematikat që ajo ka ndeshur në këtë rrugëtim 23 javor, trajneri Shpendi Kumbarçe tregoi për gazetën “Telegraf” se është një skuadër e riorganizuar mirë, ku ka alternime të brezave të lojtarëve. “ Duke ju referuar mënyrës se si e nisëm fazën përgatitore dhe probleatikave që na dolën, fillimisht kishim një ngërç që po na mbante në fundin e renditjes. Por më pas u organizuam, edhe pse bëmë një nisje të vështirë, kryesisht në fazën e parë. Kështu që gjërat erdhën në rritje, në përmirësim, edhe pse gjatë këtyre 23 javëve kemi patur edhe luhatje, por këto janë pjesë e organikës që aktualisht kemi në skuadrën tonë. Sepse skuadra nuk e ka eksperiencën e duhur, ndaj edhe luhatjet i kemi quajtur të pranueshme, pa ndikim në rezultatet që kemi arritur”, -kështu e nisi bisedën tekniku dibran Kumbarçe, i cili më pas thekson se mbështetja që kanë pasur nga Presidenti i skuadrës dhe nga Bashkia e Peshkopisë, e ka bërë më të fortë skuadrën. “Në këtë sezon, si edhe në gjithë të kaluarit, Korabi ka patur mbështetjen e fuqishme të presidencës, por edhe të Bashkisë, të cilët unë gjej rastin që t’i falenderoj.
Kjo mbështetje i ka dhënë më shumë moral skuadrës, duke u përfaqësuar denjësisht në kampionat. Nuk e teproj të them se nga të dy këta, ne jemi mbështetur me grumbullime, akomodime e ambiente stërvitore, sikundër një skuadër e Abissnet Superiore”. Ndërkohë, tekniku Kumbarçe thekson se Korabin nuk e tremb asnjë skuadër rivale, ku ai thekson se të gjitha ekipet, që renditen poshtë tyre në tabelë, mund të jenë rivalë deri në fundin e kampionatit. “Futbolli ka ulje e ngritje dhe të papritura, ndaj dhe ne i shohim rivalë të gjitha ekipet, sepse janë edhe 24 pikë deri në mbylljen e kampionatit. Korabi ka disa vite që është në këtë zonë, një nga skuadrat për t’u ngjitur në Superiore dhe këtë vit jemi në rrugën e duhur. Me kontigjentin ku kemi ndërthurur eksperiencën me elementin e ri, ne kemi një ekip të denjë për t’u ngjitur në Superiore. Kemi lojtarë si Mziu, Vila, Marku e Kasalla me shumë përvojë, por edhe një grup të rinjsh ku spikatin Shehu, Buci e disa të tjerë që premtojnë shumë”.
Futbolli ka ulje e ngritje dhe të papritura, ndaj dhe ne i shohim rivalë të gjithë ekipet. Korabi ka disa vite që është një nga skuadrat e ndërtuar për t’u ngjitur në Superiore, dhe këtë vit jemi në rrugën e duhur.
23 JAVË
Kategoria e Parë ka luajtur 23 javë të kampionatit, ku Bylisi dhe AF Elbasani kryesojnë renditjen dhe janë pranë ngjitjes direkte në Superiore. Ndërsa Tomori dhe Luzi 2008 renditen në dy vendet e fundit që të zbresin direkt në Kategorinë e Dytë. Katër skuadrat në vendet 3, 4, 5, dhe 6 luajnë Play-off me skuadrën e vendit të 8-të të Abissnet Superiore.
KATEGORIA E PARË
NDESHJET, JAVA 24
E shtunë, 9 mars 2024
Lushnja-Apolonia 14:00
Kastrioti-Flamurtari 14:00
Burreli-Vora 14:00
Besa-AF Elbasani 14:00
Luzi 2008-Bylis 14:00
Korabi-Tomori 14:00
RENDITJA
Skuadrat Nd Pikë
1.Bylis 23 55
2.AF Elbasani 23 53
3.Vora 23 45
4.Flamurtari 23 42
5.Apolonia 23 34
6.Korabi 23 32
7.Lushnja 23 26
8.Burreli 23 25
9.Kastrioti 23 23
10.Besa 23 19
11.Luzi 2008 23 15
12.Tomori 23 14