Besiktas fitoi 0-2 në kampionat ndaj Istanbulspor, duke marrë 3 pikë të rëndësishme. Protagonist në këtë takim ishte Ernest Muçi, i cili realizoi golin e parë me fanellën e Besiktas. Sulmuesi kuqezi, me një gjuajtje mjaft të bukur, ia doli të mposhtë portierin kundërshtar.
Siç shihet, ai është përfshirë në formacionin e javës në elitën turke.
Paraqitja e Muçit është vlerësuar me 8.2, notë kjo mjaft pozitive për të. Futbollisti shqiptar synon që të bëjë paraqitje sa më të mira këtë periudhë, për të bindur kështu trajnerin e Shqipërisë, Sylvinho që t’i besojë një vend në sulm në Europianin që mbahet në verë.
