Nga Moisi Dalipi:
Këto ditë, pas shumë kohë e pritje, klubi i futbollit të “Skënderbeut” dhe opinioni sportiv shqiptar, e ka marrë dhe p ë rgjigjen e fundit, ose e thënë ndryshe, nga një organ i pushtetshëm dhe për futbollin, siç është Gjykata Federale e Zvicrës. Pa hyrë në shumë hollësira të çështjeve gjyqësore, vendimi i dhënë nga kjo gjykatë që në 20 Korrik 2020, ka lënë në fuqi vendimin e marrë nga KAS, më 12 Korrik 2019, ku klubi futbollit “Skënderbeu”, dënohet nga UEFA me 10- vjet të mos marr pjesë në kompeticionet evropiane, si dhe të gjobitet me 1 milonë euro. Por kësaj fature i shtohen dhe plot 65 mijë franga ose 75 milonë lekë të vjetër. Pra, një ndëshkim dhe dënim shembullor si pak kush tjetër në futbollin evropian dhe atë botëror. Më parë po kjo gjykatë kishte bërë shembull, po për trukime të ndeshjeve ekipin maqedonas “Pobeda”, duke e dënuar me këto sanksione për 8- vjet dhe me përjashtime nga futbolli, të lojtarëve dhe drejtuesëve të klubit. Siç shikohet, goditja që ka marrë klubi ynë i futbollit “Skënderbeu”, është shokuese dhe tepër e rëndë edhe pse drejtuesit e tij, pasi kanë ndjekur për tre vjet të gjitha shkallët e gjyqësorit për kërkuar të drejtën, të cilën nuk e ka gjetur në asnjë rast, tashmë së fundi deklarojnë se edhe këtë vendim do ta apelojnë në Gjykatën e të Drejtave të Njeriut . N ë plan të parë, mund të thuash se është e drejtë e tyre të apelojnë dhe kërkojnë të drejtën e tyre, në kushtet kur nuk e pranojnë se kanë trukuar ndeshje, por duhet pranuar se pak kush beson tashmë që kjo e drejtë që ata kërkojnë të vijë një ditë. Dhe ky mos besim nuk lidhet aspak se jemi të pushtuar nga ndonjë dëshirë e fshehur, se duhet t’i ndodh ë kështu klubit të futbolit korçar “Skënderbeut” , por vetë vendimi dhënë në materialin e fundit prej 21 faqeve të kësaj Gjykate Federale, nuk lihet asnjë shteg dhe mundësi ligjore të ndodh ë ndryshe. 
Gjith ësesi, s’mbeten gjë tjetër vetëm që të shpresojmë tek ajo shprehja e vjetër popullore kur thotë: “E drejta vonon, por nuk harron”. Por faktet reja që ka sjellë në vendimin e saj ky institucion ligjzbatues duket se rëndojnë akuzën e bërë ndaj klubit korçar, kur ka zbardhur katër ndeshjet dhe 20 “anonimët” që kanë fundosur keq klubin korçar . Dhe janë dy ndeshje për Ligën e Kampioneve dhe po dy ndeshje të tjera të Ligës Evropiane këto që djegin shumë në dosjen e U.E.F.A –së , të hartuara nga raportet në kuadër të BFDS ( Sistemit te Detektimit të Mashtrimit të Basteve). Dhe ndeshjet janë:1.Ndeshja e Ligës Kampioneve më 21.07.2015 “Skënderbeu” 2-3 F.C “Krusanders”.2. Ndeshja e Ligës Kampioneve më 25.08.2015 “Skënderbeu” 1-4 N.K. “Dinamo Zagreb” . 3 Ndeshja e Ligës Evropës më 22 .10.2015 “Skënderbeu” 1-5 “Sportig-Lisbona”. 4 .Ndeshja e Ligës Evropës më 10.12.2015, “Skënderbeu” 0 -3 “Lokomotiva” e Moskës. Kaq ka mjaftuar që më 29 mars 2018, Organi Kontrollit, Etikës dhe Disiplinës në U.E.F.A, mbështetur në raportet e inspektorëve, si dhe në vendimet nga organi apelit në U.E,F.A dhe Gjykata Arbitrazhit Sportiv arrin në përfundimin se në kuadër të rregulloreve të U.E,F.A , se klubi korçar ngarkohej me përgjegjësi për këto veprime të lojtarëve, trajnerëve dhe drejtuesëve të tij. Pra e thënë më qartë, të gjithë baltosen nga ky raport , ku janë bazuar dhënia e vendimit që vazhdon të rezistojë fortë në çdo shkallë apelimi të tij . Pas kësaj eksopozeje disi të gjatë , por pak të domodoshme për t’u kuptuar mirë se për çfarë akuzohet konkretisht “Skënderbeu” dhe cilat janë fazat ligjore që po kalon apelimi ndëshkimit të dhënë, nuk është vështirë të arrish në një përfundim që do thotë se: Një prej klubeve tanë më të mirë të futbollit siç është “Skenderbeu” Korçës i krijuar 95- vjet më parë në vitin 1925, pasi disa shoqata futbolli në qytetin e serenatave sollën futbollin në këtë qytet po merr një godtitje të rëndë që pak kush beson se do ringrihet persëri në ato nivele që e kemi parë në ato nivele në futbollin shqiptar . Të gjithë këto duan të thonë se :“Skënderbeu do zbresë nga kali”. Në këtë klimë aspak modeste të këtyre, ku lojtarët titullarë që mbyllën sezonin e kaluar në vendin e katërt me 58 pikë, si Kolici, Dita , Bregu , Jashanica , Pëllumbi , Elezi , Krasniqi e të tjerë së bashku me trajnerin Daja kanë nisur boshatisjen e plotë të ekipit, presidenti Takaj, ka gjetur fjalët se: “Nuk do të largohem nga Korça, nga futbolli dhe tifozët e saj”. 
I parë pak ndryshe problem, vërtetë është për të ardhur keq, që ndodh kështu me këtë klub plot histori dhe suksese në futboll. Janë 8 tituj kampion kombëtar të fituar në nivelin më të lartë të futbollit shqiptar , që është Kategoria Superiore. Por janë dhe 3 tituj të tjerë , po kampion të fituar në nivelin e dytë të futbollit tonë , në Kategorin e Parë . E pra sukseset e “Skënderbeut” kanë nisur që në vitin 1933, kur Marjani me shokë sillte trofeun e titullit parë kampion në qytetin e tij . Në vitet 1970-1980, “Skënderbeu” i Pilikës , Dinellës, Vasos, Shules, Xhambazit, Dembos , Toshit, Kacit dhe vëlleëreve Kërcic, do shkuanin një histori ndryshe duke e sjellë skuadrën korçare deri tek vendi nënkampionit. Dhe shtatë herë të tjera do përsëritej ky titull kampion në Korçën e futbollit të rilindur në vitet 2011, 2012 , 2013, 2014 , 2015 dhe 2016. Vetëm pak frymëmarrje për një sezon atë të vitit 2016-2017, ku janë nënkampion për herë të tretë në historin ë e klubit dhe në sezonin 2017 -2018, rikthehen përsëri në podin e kampionit të Superiores . Por jo vetëm kaq . Një herë , ka fituar Kupa e Shqipërisë në vitin 2018, në atë finale dramatike të fituar me rezultatin 1-0 ndaj Laçit , por dhe 3 Superkupa të Shqipërisë të fituara në vitet 2013, 2014 dhe 2018. Dhe këtu kanë pjesën e punës tyre futbollistë të tillë të nivelit lartë si Shkëmbi , Shehi, Olanika, Osmani, Radas , Xhafaj, Plaku, Arapi,Vangejli, Mici , Lilaj , Nimanga , Abazi , Dita ,Gripshi, Bregu dhe shumë e shumë të tjerë me rradhë, që me mundin dhe djersën e tyre, e ngjitën skuadrën korçare në nivele të pa imagjinueshme në parë. Por dhe trajnerët Shkëlqim Muça , Shpëtim Duro, Stanislav Lev, Mirel Josa dhe Ilir Daja, kanë pjesën e suksesit tyre në këtë zhvillim të futbolit korçar . Tifozët “Ujqërit e dëborës “ ishin një asset i shtuar i qytetit në çdo ndeshje futbolli që zhvillohej në qytetin e tyre. 
Gjithësesi , duke qëndruar tek shifrat dhe faktet që përbënjë atë që shpesh e quajnë sukses rezulton se, në ato vite kur skuadra nuk është lauruar me trofe, ajo ka qënë pjesë e më të mirëve të futbollit shqiptar . Kështu në sezonin 2016-2017, është renditur e 3 –ta klasifikim , në sezonin 2018-2019 dhe 2019-2020, është klasifikuar e 4 –ta në renditje . Edhe këto vende në klasifikim nuk janë pak, për një skuadër për të siguruar pjesmarrjen në Ligën Evropiane. Por që nga 13 Maji e në vazhdim, kur është marr ë vendimi që skuadra të mos marr ë pjesë në edicionet evropiane 2016-2017, “Skënderbeu” vetëm është gëzuar me faktin për të luajtur futboll të bukur, as pak kompromentues për të prishur garën, për të përgatitur talente të reja dhe vetëm kaq. Ankimimet e vendimit parë në të gjitha instancat ligj zbatuese me shpresën për të ndryshuar diçka, ndoshta kanë ushqyer pak besim të munguar se “dënimi do zbutej diçka për “Skënderbeun”” Kanë kaluar plotë tre sezone me këtë shpresë, që mban “Skënderbeun” larg Evropës . Por siç duket, edhe pse janë të pakët ata që besojnë në një vendim ndryshe për të ardhmen , gjasat janë që “Skënderbeu” ka filluar “të zbresë nga kali” futbollit që ka luajtur në këtë dekadën e fundit në Kategorin ë Superiore.
