Fushat shndërrohen në parcelë kullote për bagëtitë, skuadrat ankohen për gjendjen e tyr
Edhe pse rastet dhe pasojat me Covid -19 po shtohen çdo ditë, duke sjellë jo pak panik futbolli shqiptar si i vetmi sport që po “mbijeton”, i ka vendosur në rradhën e tij respektimin e kalendarit sportiv. Kësisoj kemi lënë pas gjashtë javë të zhvilluara të Kategorisë Superiore dhe nga pesë javë të Kategorisë Parë. Gjykuar pak ndryshe, zhvillimi i garave futbollistike në të gjitha nivelet është dhe si një sfidë që mund t’i bëhet Covid -19. Gjithësesi, edhe pse kemi garë, kemi ndeshje dhe rezultate dhe renditje, virusi tinzar nuk ka mbetur pa prekur dhe njerëzit e futbollit dhe aktorët e tij. Këtë javë, rezultuan të infektuar dhe munguan në drejtim trajneri ‘Vllaznisë’, Tomas Brdaric dhe ai i ‘Flamurtarit’, Dritan Resuli. Por të gjithë janë habitur me rikthimin në krye të skuadrës të ‘Kukësit’ të trajnerit Skënder Gega, që vetem dy ditë ndeshjes me ‘Apolloninë’, ishte kthyer nga kurimi në Turqi. Një rikthim me fitore ky, ku ekipi regjistroi fitoren e tetë rradhazi, me atë 1 me 0 ndaj fierakëve. Por përtej këtyre detajeve, ajo që bën përshtypje në të dy nivelet e kampionateve është dhe gjendja e keqe e fushave të futbollit ku zhvillohen ndeshjet. Duke kërkuar të futemi në ambietin sportiv të garës le të flasim me rradhë për rezultatet, renditjen dhe gjendjen e fushave.
Superiorja, gjashtë gola në pesë ndeshje
Java e gjashtë e Kategorisë Superiore i zhvilloi ndeshjet në dy ditë, të premte dhe të shtunë. Nje javë që nuk dhuroi ndonjë gjë të veçantë dhe që ishte shumë varfër në aspektin e shënimit të golave. Vetëm 6 gola të shënuar në 5 ndeshje. Pak, shumë pak për një kampionat që pretendohet se ka cilësi. Dikush mund të thotë se kanë qenë në ditë të mirë mbrojtjet e skuadrave dhe jo në atë formë që duhet, janë paraqitur repartet e sulmit. Duke i marrë këto konstatime të dyja bashkë, si pjesë e lojës të top-këmbës, mund ta themi se të dyja bashkë këtë javë kampionati paraqitën dobësi dhe defekte. Gjithësesi, rezultatet dhe renditja janë si më poshtë:
JAVA E 6 –të KATEGORIA SUPERIORE
‘Tirana’ 0-0 ‘Partizani’
‘Skënderbeu’ 1-1 ‘Laci’
(Mara 71`/ Van Dave Harmon 91`)
‘Vllaznia’ 1-0 ‘Bylis’
(Imami 48` )
‘Kukësi’ 1-0 ‘Apollonia’
(Eze 78`)
‘Teuta’ 1-1 ‘Kastrioti’
(L.Vila 85`/ Okebugëu 83`)
KLASIFIKIMI KATEGORIA SUPERIORE
- ‘Vllaznia’ 13 pikë
- ‘Partizani’ 11 pikë
- ‘Kastrioti’ 10 pikë
- ‘Kukësi’ 10 pikë
- ‘Laçi’ 8 pikë
- ‘Tetuta’ 8 pikë
- ‘Tirana’ 6 pikë
- ‘Skënderbeu’ 6 pikë
- ‘Bylis’ 4 pikë
- ‘Apollonia’ 2 pikë
Ndeshja “derbi” numër 158 e kryeqytetit, ‘Tirana’ –‘Partizani’ nuk “prodhoi” fitues. Një barazim i thatë dhe pa gola që me sa tregoi ndeshje duket se ka kënaqur të dyja skuadrat. Me këtë barazim ‘Partizani’, edhe pse ka humbur përkohësisht kryesimin, duket se ka ruajtur praninë e saj në grupin e atyre që synojnë fitimin e titullit. Nga ana tjetër, ‘Tirana’ me ketë barazim, tregoi se po i qëndron larg suksesit për të regjistruar fitoren e parë në drejtimin e trajnerit Dede. Skuadra bardheblu këtë sezon, deri tani po tregon se e ka të vështirë të qëndrojë në grupin e më të mirëve për të ruajtur nderin e kampionëve në fuqi. Rezultati 0-0 në këtë ndeshje ishte thjesht jubilar si shifër, sepse u regjisrua kështu barazimi numër 50 në 158 ndeshjet derbi ‘Tirana’ –‘Partizani’ të zhvilluar deri tani. ‘Skënderbeu’ 1-1 ‘Laçi’! Një ndeshje që gjeti si rezultat të pranuar nga të dyja skuadrat këtë barazim, duke ndarë pikët të dyja skuadrat. Golit të bukur të shënuar nga vendasit nga Mara në minutën e 71`, i është përgjigjur në limitet e fundit të ndeshjes, sulmuesi miqve Van –Dave Harmon. ‘Vllaznia’ fiton bukur dhe me shumë vlera në ndeshjen me ‘Bylisin’. Dhe ka qenë mbrojtësi Imami që iu ka dhënë “leksion” shokëve të skuadrës me atë gol të shënuar në minutën e 48` të ndeshjes. Një gol me vlerën e tre pikëve dhe rikthimin në krye të klasifikimit, duke iu rikujtuar të gjithëve se kjo ‘Vllaznia’ e këtij sezoni, do jetë supriza e këndëshme e futbollit shqiptar në shumë drejtime. Ndërkohë, ‘Bylis’, ndryshe nga sezoni kaluar, po përjeton një krizë që ndryshe mund t’i kushtojë me verdiktet që ruan kampionati në fundin e tij. ‘Kukësi’ trajnerit Skënder Gega, fiton dhe tre pikët të tjera, duke mos prishur serinë e fitoreve në tre javë rresht. Fitore minimale ajo përballël ‘Apllonisë’, që në këtë ndeshje u dallua për lojë të mirë, por goli Eze në minutën e 78`, ka larguar edhe atë pikë që mendonin fierakët e paambjentuar me nivelin e Superiores. ‘Kukësi’ me ketë fitore shkoi në kuotën e 10 pikëve, duke harruar atë nisje aspak bindëse që bëri këtij kampionati. ‘Teuta’ 1-1 ‘Kastrioti’! Krutanët i marrin pikë me shume vlerë ‘Teutës’ në fushën e saj. Në 6 javë kampionat plot 10 pikë për ‘Kastriotin’ e vendit tretë në klasifikim. Surprizë apo thjeshë një vlerësim i garës është ky ‘Kastriot’ i këtij sezoni që nuk e pranon të vlerësohet si një skuadër e rikthyer në grupin e më të mirëve të futbollit tonë. Nga ana tjetër ‘Teuta’, nuk po tregon atë skuadër që në fund të sezonit kaluar vuri përpara çdo kundërshtar për të kapur me çdo kusht një vend për eventet europiane. Në llogaritë që bëhen, janë luajtur vetëm 6 javë nga 36 të tilla që ka në kalendarin e saj ky kamopionat me 10 skuadra. Ndoshta që javën e ardhshme mund të ndodhin përmbysje në klasifikim dhe parashikime, duke e bërë garën më të bukur dhe në atë nivel që e duam të gjithë të jetë, kur gara e kësaj jave do të ketë këto ndeshje:
JAVA E 7 – KATEGORIA SUPERIORE
( 9 dhjetor 2020)
‘Partizani’ – ‘Teuta’
‘Laçi’ – ‘Tirana’
‘Kastrioti’ – ‘Vllaznia’ ‘
‘Bylis’ – ‘Kukësi’
‘Apollonia’ – ‘Skënderbeu’
‘Korabi’ dhe ‘Egnatia’ kërkojnë shkëputjen
Me ritualin e saj ka zhvilluar ndeshjet e javës të planifikur dhe Kategoria e Parë në të dyja grupet e saj. Në grupin A, ‘Korabi’ që fiton ndaj rivalëve të ‘Besëlidhjes’ dhe që mban fort kryesimin. ‘Dinamo’ fiton përsëri dhe që kërkon rikthimin në Superiore. ‘Veleçiku’ dhe ‘Vora’ nuk ka shijuar ende fitoren e parë. Në grupin B, ku ‘Egnatia’ merr një pikë. Në transfertën me ‘Turbinën’ dhe ruan kryesimin. ‘Pogradeci’ merr fitore tenistike ndaj ‘Elbasanit’. ‘Flamurtari’ shijon fitoren e parë, në atë 3-0 ndaj ‘Tomorrit’ zhgënjyes në ‘Vlorë’. Rezultatet dhe klasifikimi tregojnë se:
REZULTATET GRUPI A :
‘KORABI’ – ‘BESËLIDHJA’ 2-0
Lala 33′ , Skuka 85′
‘ERZENI’ – ‘PARTIZANI’ B 0-1
Bërdufi 16′
‘DINAMO’ – ‘VORA’ 3-0
Da Silva 15′ , Mashi 38′ , Almeida 60′
‘ORIKU’ – ‘VELEÇIKU’ 1-0
Çaushaj 24′
Burreli pushim
REZULTATET GRUPI B :
‘FLAMURTARI’ – ‘TOMORI’ 3-0
Diamanti 28′, 65′, Ribaj 79′
‘POGRADECI’ – ‘ELBASANI’ 5-0
Balla 23′, Dragoi 34′, Liçkollari 73′, Manellari 92′, Topllari 95′
‘TURBINA’ – ‘EGNATIA’ 0-0
‘Besa’ dhe ‘Luftëtari’- pushim
KLASIFIKIMI GRUPI- A
- ‘Korabi’ 13 pikë
- ‘Dinamo’ 10 pikë
- ‘Burreli’ 10 pikë
- ‘Besëlidhja’ 7 pikë
- ‘Oriku’ 6 pikë
- ‘Erzeni’ 5 pikë
- ‘Partizani B’ 4 pikë
- ‘Veleciku’ 1 pikë
- ‘Vora’ 1 pikë
KLASIFIKIMI GRUPI- B
- ‘Egnatia’ 11 pikë
- ‘Besa’ 9 pikë
- ‘Lushnja’ 8 pikë
- ‘Tomorri’ 7 pikë
- ‘Pogradeci’ 6 pikë
- ‘Flamurtari’ 4 pikë
- ‘Turbina’ 2 pikë
- ‘Elbasani’ 0 pikë
- ‘Luftëtari’ 0 pikë
JAVA E 6-të KATEGORIA E PARË
(9 dhjetor 2020)
Grupi A
‘Partizani B’ – ‘Dinamo’
‘Besëlidhja’ – ‘Erzeni’
‘Burreli’ – ‘Korabi’
‘Vora’ – ‘Oriku’
‘Veleçiku’ – pushim
Grupi B
‘Tomori’ – ‘Turbina’
‘Elbasani’ – ‘Flamurtari’
‘Lushnja’ – ‘Pogradeci’
‘Egnatia’ dhe ‘Besa’ – pushim
Fushat dhe “shtegtimi” skuadrave
Të gjithë e panë gjendjen e fushës të stadiumit “Air –Albania” në ndeshjen derbi ‘Tirana’ –‘Partizani’.Të dyja skuadrat janë ankuar për gjendjen e fushës, duke fajësuar jo pak atë për cilësinë e zhvillimit të ndeshjes. Por edhe më keq është gjendja e fushave tek skuadrat e Kategorisë Parë. Një fakt i tillë ka bërë që çdo javë drejtuesit e futbollit shqiptar, të jenë në hall të madh për të përcaktuar fushat ku do të zhvillohen ndeshjet. ‘Kukësi’ ka dy sezone që “shtegton” sa në Elbasan, po aq dhe në Shkodër e Tiranë për të zhvilluar ndeshjet. Punimet që po kryen në stadiumin “Zeqir Ymeri” nuk premtojnë zhvillimin të ndeshjeve të këtij sezoni në Kukës. ‘Partizani’ e ka kthyer në një traditë më vete zhvillimin e ndeshjeve të programuara në fushën e tij, t’i transferojë në Elbasan, ose të paguajë shtrenjtë për “Air –Albanian”. ‘Kastrioti’ vazhdon odisenë e mugesës të stadiumit, për shkak të rikostruksionit të tejzgjatur të stadiumit. Si zgjedhje të parë ka gjetur stadiumin e Kamzës. Pak a shumë e njëjta gjë dhe për ‘Tiranën’ që pret të kthehet në “Selman Stërmasi”, që ende ka probleme me sistemin e ndriçimit. Në Kategorin e Parë problemet janë të shumta, ku për të veçuar është rasti stadumit “Besa” që jo vetëm nuk po bëhet rikostruksion, por ështe kthyer në parcelë kullote për bagëtitë. Por ka dhe stadiume të tjerë të braktisur, ku vendin e tifozëve në tribuna, e kanë marrë tufat e bagëtive.
