Folarin Balogun ka qenë sensacioni i këtij sezoni në elitën e futbollit francez Ligue 1.
Sulmuesi amerikan ishte i huauzar te Stade Reims nga Arsenali dhe ka shkëlqyer duke realizuar 21 gola e duke asistuar në tre të tjerë në 37 ndeshje zyrtare në Ligue 1.
21-vjeçari do të rikthehet te Arsenali, por e ardhmja e tij është larg Londrës pasi shumë skuadra janë vënë pas tij.
Milan interesohej për transferimin e tij, por së fundmi edhe Interi është futur në garë për t’i fituar shërbimet e sulmuesit amerikan.
Neroazzurët mund të mbeten pa Edin Dzekon dhe e shohin Balogunin si zëvendësuesin adekuat të sulmuesit boshnjak.
Reprezentuesi amerikan ka kontratë me Arsenalin deri në verën e vitit 2025, derisa Topçinjtë janë të gatshëm ta lejojnë largimin e tij nëse vije një ofertë mbi 25 milionë euro.
Përveç dy skuadrave milaneze, në garë për lojtarin janë edhe Lille, Juventus, Napoli, Borussia Dortmund, RB Leipzig, Eintracht Frankfurt, West Ham United dhe Aston Villa.
