Bundesliga, ashtu si çdo vit, i ka dhënë çmimin “Lojtari i Sezonit” futbollistit që ka performuar më mirë në kampionatin gjerman.
Këtë vit, lojtari i përzgjedhur mund të quhet një surprizë, duke parë se nuk është asnjë i Bajernit dhe asnjë i Dortmundit. Bëhet fjalë për Kristofer Nkunku, sulmuesi francez që ka shpërthyer me Lajpcigun këtë sezon, me 20 gola të shënuar dhe 15 asiste.
Ajo që e bënë më të bukur këtë ditë për sulmuesin francez, është dhe reagimi i klubit gjerman në faqen zyrtare në Instagram, ku shkruan: “As Haland. As Levandovski. Çfarë suksesi për Kristofer Nkunku dhe e ka merituar. E ka merituar”, duke i etiketuar dhe faqet zyrtare të sulmuesit norvegjez dhe atij polak.
