NOT/ Në pishinën “Taq Dafa” të Durrësit u zhvilluan garat e Mitingut Ndërkombëtar “Teuta Cup 2026”, Presidenti i FSHN-së Agim Çiraku vlerëson veprimtarinë
Nga Agron KAJA
Mitingu Ndërkombëtar “Teuta Cup 2026” çeli veprimtaritë verore të vitit 2026, si i përshkruani garat?
Unë do ti vlerësoja si gara të përsosura, me një organizim të përbashkët mes FSHN-së, Bashkisë Durrës, Klubit Shumësportësh Teuta, si edhe Otrila e Kosovës. Gjej rastin të falenderoj kryetaren e Bashkisë së Durrësit, Emiriana Sako.
Ky ishte edicioni i 5-të i kësaj kupe, çfarë u pa ndryshe nga katër edicionet e kaluara?
Ndryshim thelbësor nuk kishte, krahasuar me katër edicionet e tjera. Por duhet veçuar fakti se kishte pjesëmarrje nga ekipe të disa shteteve, si Sllovenia, Turqia, Maqedonia e Veriut, e natyrisht nga Kosova. Cilësia në këto gara ishte më e mirë.
Duke qënë se notarët vinin nga garat dimërore në pishinën 25 m, si ishte përshtatja e tyre në pishinën verore 50 m?
Duke qënë se dolëm nga pishinat dimërore dhe ku garat kanë më shumë vështirësi për disa faktorë, kur nisin garat verore notarët kanë pak problem në përshtatjen e tyre me pishinën 50 m. Por këtë herë, kjo dukuri ishte shumë pak e përfillshme.
Cilët ishin treguesit që në këto gara i arritën pritshmëritë nga garuesit shqiptarë dhe të huaj?
Unë do të veçoja vetëm dy: Përgatitjen serioze që kishin bërë notarët e trajnerët, si edhe pjesëmarrjen e lartë. Nëse ju referohemi me kujdes, kuptohet se brenda tyre është gjithçka e mirë që duhet të ketë vazhdimësi.
Ju si President i FSHN-së, e keni një tregues ku nuk u arrit synimi i përbashkët federatë-ekipe-notarë?
Nuk është problem se u thyenë vetëm 2 rekorde kombëtare, sepse garat kanë nisur të ngjeshen. Duke qënë garat e para verore të këtij viti, kjo edhe pritej. Por së shpejti kemi garat e Kupës së Shqipërisë dhe të Kampionatit në pishinë 50 m.
Si ndikoi në komunikim dhe në organizimin e kësaj kupe numri i madh i notarëve garues, përfaqësues të disa shteteve?
Komunikimi ishte perfakt. Sot me këto mosha që garojnë, por edhe me trajnerët e tyre nuk është problem komunikimi në gjuhët e huaja. Sporti në tërësinë e tij nuk e ka pengesë të folurit, ndaj edhe në këtë Miting ishte perfaekt.
Në vlerësimin tuaj, e kaloi pishina “Taq Dafa” edhe këtë herë testin me vlerësime pozitive?
Pishina verore “Taq Dafa” këtu në Durrës ka qënë positive në testet e saj të organizimit e zhvillimit në të gjitha garat. Kjo është pishina e vetme me përmasa olimpike, dhe tabela elektronike e matjes së kohëve e bëri më të bukur garimin.
“Dashuria” juaj në çdo garë janë rekordet kombëtare, sa ju
“respektuan” në këtë veprimtari?
E përmënda më sipër për rekordet kombëtare dhe faktorët që mund të lidhen me vetëm 2 të tillë. Por si ish-notar elite dhe sot si President i FSHN-së, këtë e shoh si një tregues që e rrit më shumë cilësinë e garës. Organizimi, pjesëmarrja dhe cilësia në gara ishin perfekte.
Javën e ardhshme, në Beograd zhvillohen garat ndërkombëtare të Kupës COMEN, keni pritshmëri nga notarët tanë?
Pjesa më e madhe e notarëve që do shkojnë në garat e Beogradit ishin edhe në këtë kupë “Teuta Cup 2026”. Me formën që treguan dhe rezultatet që arritën, bashkuar edhe me notarët e tjerë, atje do të bëjnë një përfaqësim dinjitoz të vlerave tona.
Rekordet kombëtare
Paolo Priska – Te Stela Leon Hoxha – Te Stela
Në 200 m stil Flutur Në 100 m stil Shpinë
Kategoria A Kategoria A
Koha 2.23.60-ishte 2.24.01 Koha 1.06.32-ishte 1.06.80
Ekipet pjesëmarrëse
SHQIPËRIA (11): AN “Te Stela”, Teuta, Tirana, Vllaznia, Partizani, Vlora Not, Flamurtari. KOSOVA (12): Aloha, Illyria, Otrilla, Kosova, Niko, Besa, Iliriada, Kastrioti, Onix, Step, Prishtina. MAQEDONIA E VERIUT (2): Akua Sipirit, Akua PRO, Skopia. TURQIA (2): Edine Spor, Enka Spor. SLLOVENIA (2): Pavlini, Ribnica Sportro Delfin
NOTARËT MË TË MIRË
FEMRA
Arla Dermishi Te Stela
Me 2392 pikë
Luna Djarmati Te Stela
Me 2347 pikë
Zejnep Turksefer Enka Spor
MESHKUJ
Ediliano Huna Teuta
Me 2385 pikë
Jure Gornik Delfin
Me 2340 pikë
Arion Budina Step
Me 2313 pikë
Unë do ti vlerësoja si gara të përsosura, me një organizim të përbashkët mes FSHN-së, Bashkisë Durrës, Klubit Shumësportësh Teuta, si edhe Otrila e Kosovës. E falenderoj kryetaren e Bashkisë së Durrësit, Emiriana Sako për angazhimin në bashkëpunim, notarët dhe trajnerët
PJESËMARRJA NË GARA
307 Notarë
Në garat e notit në “Teuta Cup 2026” që u zhvilluan më datat 13 e 14 qershor në Durrës, morrën pjesë rreth 307 notarë nga 29 ekipe, meshkuj& femra
5 Shtete
Në garat e notit në “Teuta Cup 2026” morrën pjesë 307 notarë: Shqipëria 198, Maqedonia e Veriut 21, Kosova 81, Sllovenia 2, Turqia 2 notarë
DY KAMPIONET
Arla Dermishi dhe Ediliano Huna, “Të Artët” e “Teuta Cup 2026”
Arla Dermishi / Te Stela Ediliano Huna / Teuta
Grumbulloi 2392 pikë Grumbulloi 2385 pikë
Notarët Arla Dermishi e Te Stela për Femra, dhe Ediliano Huna i Teutës për Meshkuj, u shpallën kampionët dhe notarët më të mirë të Mitingut Ndërkombëtar “Teuta Cup 2026”. Për Arlën, ky ishte testi i parë në pishinën 50 m, në prag të Kupës së Shqipërisë dhe Europianit të Notit që do zhvillohet në Mynih nga 7 e deri më 15 korrik. “Unë jam e gëzuar dyfish. Së pari që u shpalla kampione e këtij mitingu ndërkombëtar, dhe së dyti, sepse e testova veten në prag të Kupës së Shqipërisë dhe të Kampionatit Europian që do të zhvillohet në Mynih në datat 7 deri në 15 korrik”. Për Edilianon, kjo është fitore e pritur. “Edhe unë ndjehem dyfish i shpërblyer në këtë miting. Së pari sepse një nga organizatorët ishte qyteti im me bashkinë dhe klubin shumësportësh Teuta. Dhe më kryesorja, sepse unë për këtë fitore kam kohë që përgatitem. Nuk do ndalem me kaq”.
Rekordmeni Pablo Peri (Te Stela)
Kisha mundësi edhe për rekorde të tjera
“Unë isha përgatitur që të arrija të thyeja edhe rekorde të tjera, por edhe ky ka rëndësi. E përmirësova rekordin kombëtar në 200 m stil Shpinë me gati 1 minutë, e cila besoj se është kohë e mirë. U mundova edhe në garat e tjera për rekorde, por nuk ja dola. Por rezultatet do ti përmirësoj në garat e tjera, madje që në Kupën e Shqipërisë në Tiranë, do përmirësoj kohët dhe do thyej rekorde të tjera”..
Viki Tafruku, “flutura” e stilit të Lirë
Notarja Viki Trafruku e Vllaznisë është vetëm 15 vjeç, por ajo ka mbi pesë vite që garon me fanellën shkodrane. Me Kol Shirokën trajner, Viki ka bërë shumë ngjitje në rezultatet e saj, këtë e konfirmoi edhe në Mitingun Ndërkombëtar “Teuta Cup 2026”. “Kam fituar të gjitha garat në stilin e lirë: 100 m, 200 m, 400 m dhe 800 m. Sukses që erdhi pas stërvitjes këmbëngulëse me trajnerin tim (Kol Shiroka). Jam shumë në formë, dhe në garat e Kupës do shënoj të tjera fitore”.
Rekordmeni Leon Hoxha (Te Stela)
Thyeva rekordin tim, e kam pasion notin
“Thyeva vetëm një rekord kombëtar në garën e 100 m stil Shpinë. E quaj sukses, sepse kam thyer me 48 sekonda rekordin tim që e kisha thyer këtu në Durrës në vitin e kaluar. Në të gjitha garat shkova mirë dhe kam përmirësuar edhe kohë të tjera, por jo rekorde. Unë e kam pasion sportin e notit dhe do stërvitem që të thyej të tjera rekorde gjatë garave në vazhdim. E nisim nga Kupa në Tiranë”.
TRAJNERËT ORGANIZATORË DHE FITUES
Astrit Haliti (Otrila Kosovë)
Gara të mira, në cilësi dhe në pjesëmarrje
Trajneri i ekipit Otrila të Kosovës, Astrit Haliti, në Mitingun Ndërkombëtar “Teuta Cup 2026”, tregoi se kishte përgatitur notarë cilësorë dhe protagonistë në gara. Sipas tij, garat shkuan mirë, por duhen disa rregullime te pishina. “Garat ishin shumë të mira në cilësi, po ashtu edhe në pjesëmarrje. Por mes tyre, unë mendoj se pishina “Taq Dafa” duhet të ketë starte dhe korsi profesionale, të cilat duhen përmirësuar në edicionin e ardhshëm. Edhe si pjesë e organizatorëve, unë këto gara i vlerësoj me nota pozitive. Falenderoj Bashkinë Durrës dhe FSHN-në për bashkëpunimin në organizimin e garave”.
Jurgen Fici (Teuta Durrës)
Mikpritëm një Miting noti me standarte
Personi i kudondodhur gjatë garave të Mitingut “Teuta Cup 2026”, ishte trajneri i Teutës, Jurgen Fici. Jo vetëm si teknik, por edhe si pjesë e organizatorëve të këtij mitingu ndërkombëtar, trajneri Fici ndjehet i shpërblyer në këto gara, si nga notarët e tij dhe për organizimin e garave. “Bashkëpunimi me FSHN-në dhe miqtë nga Kosova, sollën këtë organizim e zhvillim të mirë të garave. Bashkia Durrës dhe Klubi Shumësportësh e vlerësuan këtë veprimtari, dhe notarët tanë Ediliano Huna kampion, dhe Devis Shtaro e shpërblyen me rezultate të larta. Ata u treguan kampionë të vërtetë, sepse tradita durrsake vazhdon”.
EKIPET MË TË MIRA
(Sipas kategorive)
KATEGORIA OPEN
Femra dhe Meshkuj
Step 123 medalje
Te Stela 123 medalje
Vllaznia 20 medalje
KATEGORIA F – Femra
Stina Qerimi Step 543 p
KATEGORIA F – Meshkuj
Jon Buzuku Step 725 p
KATEGORIA E – femra
Bora Ademi Step 1755 p
KATEGORIA E – Meshkuj
Joel Golemi Vllaznia 922 p
KATEGORIA D – Femra
Parga Abazi Step 1924 p
KATEGORIA D – Meshkuj
Leon Hoxha Stela 1755 p
KATEGORIA C – Femra
Luna Djarmati Stela 2347 p
KATEGORIA C – Meshkuj
Eljo Skënderi Stela 2091 p
KATEGORIA B – Femra
Arla Dermishi Stela 2392 p
KATEGORIA B – Meshkuj
Klint Hoxha Stela 2194 p
