Nënkryetari i LSI, Petrit Vasili, thekson se rastet me koronavirus kanë qenë që në muajin janar.
Vasili ka publikuar mesazhin e gazetarit Telnis Skuqi në “Facebook” dhe shkruan se është fakt që 5 shqiptarë, që kanë kërkuar në janar azil politik në Norvegji, pas testimit të kryer atje kanë rezultuar pozitivë, por pa simptoma.
Postimi i Vasilit:
Rastet me COVID-19 që në janar, ja Fakti! (FOTO).
Pa pasur nevojë për arsyetime të gjata, por duke u bazuar në fakte, provohet thjesht që COVID-19 ka qarkulluar që në janar.
Është fakt publik që 5 shqiptarë që kanë kërkuar në janar azil politik në Norvegji, pas testimit të kryer atje kanë rezultuar pozitivë, por pa simptoma.
Kërkesa e Presidentit që në 31 janar dhe kërkesat profesionale pa fund të opozitës gjatë gjithë shkurtit u nënvlerësuan dhunshëm nga Edi Rama dhe qeveria.
Rezultati:
- Masat kufizuese të qeverisë nuk kishin asnjë vlerë.
- Masat ishin terësisht të vonuara.
- Masat ishin trashanike nga ana shkencore.
- Testimet shumë të pakta për COVID-19 fshehën të vertetën.
- Mungesa e mjekut të familjes la qytetarët pa ndihmë të kualifikuar mjekësore dhe kyçi një burim të së vërtetës.
- Përqëndrimi vetëm te tel 127 privoi terësisht shqiptarët nga kontakti me mjekët dhe ishte gjithashtu në funksion të fshehjes së të vërtetës.
- Tronditën sistemin shëndetësor
- Sëmundshmëria kronike u la pas dore.
- Rrënuan jetën ekonomike të shqiptarëve.
- Masat kufizuese po përdoren thjesht dhe vetëm si shtetrrethim politik.
Faleminderit Telnis Skuqi për dëshminë e paçmuar.
