Kryeministri Rama i bën thirrje shqiptarëve që ndodhen në Itali: Kush dëgjon dhe ndjek këtë komunikim…

431
Sigal

Kryeministri Edi Rama bëri me dije se pjesa më e madhe e shqetësimeve të ngritura nga qytetarët kanë të bëjnë me ata që kanë mbetur jashtë vendit dhe që nuk kanë mundësi të kthehen.

Sipas Ramës, kjo temë është diskutuar edhe në mbledhjen e Këshillit të Sigurisë Kombëtare, shqetësim i ngritur nga Presidenti i Republikës, Ilir Meta.

“Një pjesë e madhe e shqetësimeve janë për lëvizjen. Ka raste specifike që janë trajtuar specifikisht. Gjatë gjithë këtyre ditëve marr shqetësime të mëdha nga bashkëqytetarë që ndodhen jashtë Shqipërisë dhe që i ka zënë lufta matanë kufirit. Edhe dje së bashku me Presidentin e kemi ndarë këtë shqetësim. Jemi përfshirë në bashkëpunim intensiv me Ministrinë e Jashtme, Ministrinë e Infrastrukturës dhe Transportit, për të koordinuar resurset tona financiare.

Aktualisht janë të identifikuar dhe regjistruar si rezultat i ankesës 1379 shtetas dhe janë 2263 të raportuar. Kush dëgjon dhe ndjek këtë komunikim i lutem që të identifkohet përmes kanalit të emergjencës në këtë platformë. Nëpër ambasada telefoni del i zënë sepse janë të zënë gjatë gjithë kohës.

Ka një numër të konsiderueshëm që janë shqetësime dhe kërkesa që vijnë nga ata që janë matanë kufirit që kanë të drejtën të kthehen. Numri më i madh deri më tani është në Itali. Ne do të bëjmë gati të tërheqim ata që janë në Itali. Po kështu kemi edhe Kroacinë, të cilët mund të vijnë në rrugë automobilistike gjithashtu”,- shprehet Rama.