Erisa Xhixho ka marrë pjesë në një vizitë zyrtare në Washington, në ceremoninë e “Mëngjesit të Lutjeve”.
Në një reagim të bërë në rrjetet sociale, ajo shkruan se ShBA mbetet aleat i përjetshëm në të gjitha aspektet globale.
“Sot në Washington DC, pata nderin të bashkohesha në ceremoninë e Lutjeve të Mëngjesit, së bashku me shumë kolegë e miq nga 127 vende të botës. 
Një kënaqësi e veçantë të dëgjoja fjalimin e Presidentit të SHBA, z.Joe Biden, i cili ndër të tjera i vuri theksin thirrjes për solidaritet, paqe dhe unitet mes kombeve. 
Shtetet e Bashkuara do të jenë gjithnjë busulla e demokracisë, si partneri ynë strategjik, duke punuar së bashku drejt qëllimeve të përbashkëta dhe një të ardhmeje më të ndritshme.”
