Një mësues ka denoncuar se të gjithë arsimtarët në mbarë vendin po kontrollohen sipas një skeme të përgatitur nga qeveria dhe ministrja Shahini. Sipas denoncuesit, mesazhi i të cilit është publikuar nga ish-kryeministri Berisha në faqen e tij në “Facebook”, të gjithë mësuesit duhet të bëhen pjesë e një grupi të përbashkët në “Whatsapp”. Në këtë grup përveç numrit të drejtorit të drejtorisë arsimore, drejtorit të shkollës dhe mësuesve, është edhe numri i këshilltarit të ministres Shahini. “Urdhëri i ri i kakistokratëve të arsimit! Lexoni mesazhin e qytetarit digjital. Sb. Shih çfarë u bëjnë mësuesve Doktor. U kanë kërkuar që të infiltrojnë nr (më thonë është e këshilltarit të ministres). Kontrollojnë krejt komunikimin mes mësuesve. Ua kanë çuar me urdhër nga drejtoritë arsimore. Përshëndetje! @+355 68 272 9727 do të jetë kontakti përmes të cilit do të bëhen komunikimet në grupe. Siç edhe ju kemi komunikuar më parë, *duhen hapur grupet e whatsapp-it me të gjithë mësuesit e secilës shkollë*. Pra, çdo drejtor shkolle ka një grup, ku janë të gjithë mësuesit e shkollës që drejton. Në këtë grup do të shtohet edhe ky numër @+355 68 272 9727 Grupet duhet të emërohen në këtë formë: “DAR ____ / (emri i shkollës)” ose “ZA _____ / (emri i shkollës)” P.sh. “DAR Tiranë/Jeronim de Rada” ose “ZA Kurbin / Gjokë Elezi”.
