Bardhyl Berberi: Kush janë kontingjente të Vetingut?

419
Sigal

Ky është vendi i
hajdutëve . Dhe me hajdutë nuk i referohem vetëm atyre që abuzojnë me detyrën
apo me tenderë dhe koncesione,  por dhe
ata  dredharake të paaftë dhe të
pashkolluar rregullisht, me diploma të blera apo të falsifikuara që qëndrojnë
në krye të punëve të rëndësishme të shtetit. Ata  ngjitin shkallët e karrierës, jo me djersën e
ballit, por me servilizëm  ndaj shefave
apo eprorëve të tyre, duke shkëmbyer burrërinë me privilegjet, integritetin me
favoret. Kjo është ajo armata e rrezikshme 
që hap çdo derë , që nga parlamenti ku ulen si përfaqësues të popullit,
deri tek postet e tjera më të larta që marrin nga beniaminët e tyre që
drejtojnë partitë. Në çdo derë që trokasim gjejmë nga këta gjysmë  intelektualë që, ndonëse kanë qenë ngelës që
në shkollën 8 vjeçare,  por kanë marrë  medalje ari si sahanlëpirës. Ata gjendet në
çdo zyrë, pranë çdo ministri, çdo drejtori, 
mund të jenë  dhe  vetë drejtorë. Ata  gjendet në parlament, biznes privat, spital,
shkollë, dhe padyshim në çdo pallat. Ata i njohin të gjithë,  pasi kanë më shumë vetura luksoze, vila dhe
llogari bankare se sa vite shkolle. 
Madje, dihet publikisht, se kujt kodoshi i shërbejnë dhe nga iu rrjedhin
shumat marramendëse. Ata ngrihen në mëngjes dhe shikojnë veten në pasqyrë dhe, çuditërisht
,duken të pastër si ujë burimi… Vetingu, pëshpërisin me njëri tjetrin, na çanë
kokën me këtë vetingun, por çfarë do të na bëjnë ! … Eh ka ligje, por ka dhe
shtigje ku ne mund të rrëshqasim si ato ngjalat… Ne jemi të virgjër, thotë me
qesëndi një tjetër, do të na marrin lekët që kemi vënë, po pse aq budallenj
jemi ne, të mos i kemi siguruar me emra të tjerë  …jashtë vendit.  Shijojeni luksin, krekosuni vëlla, ata duan
të na nxjerrin nga dera, ne do të futemi nga dritarja në parlament … Po ky
Blushi ëndrra sheh, kërkon të pakësojë numrin e deputetëve  nga 140 në 100 deputetë  ..Shkurtojeni numrin sa të doni, ne aty do të
jemi,  ju të zotët profesorë do të ngelni
prapa liste si Lipe Shtogu. Ato gjenden në gjirin apo në krye të organizatave
jo qeveritare ku me paratë e destinuara për të varfrit, pleqtë, kënaqin
grykësinë e tyre që i kanë vënë në ato organizata .

Natyrshëm lind pyetja,
po ku janë ata?

  Ata janë ish pushtetarë dhe  pushtetarë aktualë që i kanë bërë duart pis. Por
ata gjenden në universitete ku kërkojnë pará nga studentët për të kaluar
provimet. Ato gjenden në administratën shtetërore, ku për çdo shërbim kërkojnë
zarfin nën tavolinë. Ato gjenden në gjykata ku ngopin zorrët me gjakun e të
pafajshmit. Ata  i gjejmë në spitale,
farmaci, madje edhe furra buke ku përziejnë miellin me bojë. Ata e kanë mendjen
të vjedhin. Të vjedhin tek nafta, të shesin fruta e perime me hormone, të  vjedhin vota i blejnë votuesit me thasë me
miell. Dhe  pasi marrin karrigen pas
zgjedhjeve  kërkojnë  3-5 mijë euro për një vend pune, kërkon favor
seksual për një rrogë të ulët shteti. Ata 
fitojnë  tenderë  që është 
copa e madhe e mitmarrjes. Ata 
na  dalin  në televizor dhe na flasin  për shpresën, të ardhmen e ndritur dhe
reformat. Me një mal abuzimesh  ata  qëndrojnë gjithmonë jashtë burgut, nuk iu
dridhet kurrë qerpiku dhe gjumin e bëjnë të qetë … Por me miratimin e Vetingut  një 
zë  i brendshëm  ka filluar t’ua prishi gjumin. Ndonjëri që ka
bërë shumë zullume dhe ka filluar të flejë me valiume. Një ditë madje, një prej
tyre  po blinte valiume në farmaci,
ndërsa dy fakirë fukarenj po diskutonin për Vetingun  me shpresën e madhe, që gjërat do të vihen në
vend.

– E more ju
hakërrua ai dy  bashkëbiseduesve …Na çatë
kokën me këtë Vetingun ju apo mendoni, se Vetingu do të jetë si ato gjyqet
partizane…