Faruk Ozer është në burg. Pas marrjes në pyetje nga drejtoria e Policisë në Stamboll, prokuroria e ka transferuar në gjykatën penale e cila vendosi paraditen e të dielës ta linte në paraburgim.
Ozer është në paraburgim me akuzën e “themelimit dhe drejtimit të organizatës kriminale, mashtrimit të rëndë dhe pastrimit të vlerave të pasurisë”.
Özer u arratis nga Turqia në 20 prill 2021 dhe u strehua në Shqipëri.
Autoritetet turke nisën një hetim më 22 prill, pas një raporti se përdoruesit nuk mund të hynin në llogaritë e tyre të kriptomonedhave Thodex dhe se pronari i kompanisë kishte ikur jashtë vendit.
Bordi i Hetimit të Krimeve Financiare (MASAK) përcaktoi shumën e vjedhur nga i riu në plot 356 milionë lira. Sipas pretendimeve, shuma që ai ka marrë është 2 miliardë dollarë. Si rezultat i hetimeve të hapura, Özer u kërkua një dënim me burg për tre krime.
