Një tërmet i fuqishëm ka ndodhur në Indonezi ku si pasojë kanë humbur jetën 26 persona.
Mediat e huaja bëjnë me dije se një tërmet me madhësi 6.2 të shkallës Rihter tronditi Kelebi, Indonezi mëngjesin e kësaj të premte duke shembur disa ndërtesa, përfshirë një spital.
Sipas Agjencisë së Menaxhimit të Fatkeqësive, si pasojë e shembjes së ndërtesave kanë humbur jetën 26 persona në qytetin e Mamuju.
Ndërkohë deri më tani raportohet se 600 persona të tjerë mbetën të plagosur si pasojë e tërmetit.