Lëvizja Socialiste për Integrim denoncon situatën e rëndë që po kalojnë banorët e dëmtuar nga tërmeti i vitit të kaluar në Manëz të Durrësit.
Kryetarja e LSI Durrës, Kontjana Kuçi, përmes një videoje të publikuar në faqen zyrtare të LSI-së shprehet këto pamje denoncojnë rrënim, mbetje inerte, kontenierë të mbipopulluar, braktisje totale nga shteti pa asnjë mbështetje.
Lexo edhe : Hakeri shqiptar vodhi Bitcoin me vlerë 500 mijë euro / Tre shtete europiane i vihen pas
“Rrënim, mbetje inerte, kontenierë të mbipopulluar, braktisje totale nga shteti pa asnjë mbështetje.
Po kalon dimri i 2-të në këto kushte për mijëra banorë në Manëz dhe në të gjithë qarkun e Durrësit dhe sipas Ministrit të Rindërtimit do duhen edhe 2 dimra të tjerë për të strehuar banorët.
Kjo tragjedi kërkon zgjidhje.
Lexo edhe : ‘Më mirë të ikë qeveria, se të ikë populli’ / Reagimi i koordinatorit të LSI Tiranë
Më 25 prill do e shporrim sektin arrogant dhe çnjerëzor të “Rilindjes” dhe të gjithë së bashku do i kthejmë dinjitetin banorëve, do rindërtojmë Durrësin dhe do i sjellim shpresën qytetit tonë”, shprehet kryetarja e LSI Durrës, Kontjana Kuçi.
