Është gjetur 13-vjeçarja shqiptare e cila u raportua e zhdukur para tre ditësh në Itali.
Fatmirësisht ajo është në gjendje të mirë shëndetësore.
Vajza ishte larguar nga shtëpia të enjten në mëngjes për të shkuar në shkollë, por nuk ishte kthyer në shtëpi.
Lajmi për zhdukjen e saj është bërë i ditur nga nëna e saj, e cila kishte shkuar në polici në stacionin Pontecagnano dhe e kishte raportuar të zhdukur vajzën e tij.
Ndërkohë lajmin për gjetjen e saj e ka bërë të ditur kryebashkiaku Giuseppe Lanzara me një postim në rrjetet sociale, ku tha se ajo u gjet në Grosseto.
“Më në fund, lajmi që prisnim: Sara u gjet. Nga lajmet mësojmë se ajo është mirë dhe po i bashkohet familjes. Faleminderit atyre që erdhën dhe kontribuan në kërkime”, thuhet në njoftimin e tij.
