Sot rikthehen reshjet e shiut, parashikimi i motit deri ditën e premte

353
Sigal

E hëna nis e vrenjtur, por ja si parashikohet moti për këtë javë. Kthehen edhe reshjet e borës, ja kur përmirësohet

Ndryshe nga java që lamë pas, kjo javë nuk do të jete me kushte shumë të favorshme të motit.

Dita e hënë ka nisur e vrenjtur dhe me reshje pritet të jete e gjithë java që sapo filluam, së paku deri ditën e enjte.

Shërbimi Meteorologjik Ushtarak bën me dije se e hëna dhe e marta do të jene përgjithësisht me reshje, ndërkohë që ditën e mërkurë në zonat e thella do të shënohen edhe reshje bore.

Ja parashikimi sipas SHMU

Ditën e hënë reshjet e shiut do të bëhen prezente në orët e pasdites me intensitet të ulët.
Ditën e martë reshjet e shiut do të jenë prezente që në orët e para të 24-orëshit, me intensitet deri mesatar. Në orët e mesditës në jug dhe në qendër reshjet e shiut do të jenë prezente të herëpashershme me intensitet të ulët, ndërsa në veri do të mbeten me intensitet deri mesatar.

Ditën e mërkurë dhe të enjte reshjet e shiut do të jenë të herëpashershme me intensitet të ulët në veri dhe në qendër, ndërsa në jug reshjet mbeten me intensitet deri mesatar. Reshjet e borës do të rikthehen përsëri në zonat malore në lartësinë mbi 1300 metra me intensitet të ulët.

Ditën e premte priten përmirësime të kushteve meteorologjike, ku orët me diell do të mbizotërojnë në pjesën më të madhe të vendit.

E gjithë kjo situatë do të shoqërohet me erë kryesisht ditën e mërkurë dhe të enjte nga lindja-verilindja 2-10m/s, e cila përgjatë vijës bregdetare do të fitojë intensitet deri në 20m/s.

Në fushën termike vlen të theksohet dita e enjte dhe e premte ku pritet një rënie e temperaturave.