Myftiu i Shkodrës, Muhamed Sytari është prekur nga COVID-19. Në një mesazh në Facebook, kreu i shtetit Ilir Meta i uron shërim të shpejtë dhe u bashkohet lutjeve të besimtarëve për shëndetin e përfaqësuesit të besimit mysliman në Shkodër.
“I uroj shërim sa më të shpejtë dhe shëndet të plotë, klerikut të nderuar, Myftiut të Shkodrës, Muhamed Sytari, i prekur nga COVID-19.
Ju bashkohem lutjeve të familjarëve, bashkëpunëtorëve dhe besimtarëve, që të kthehet sa më parë në krye të detyrës së tij të rëndësishme, për të festuar të gjithë së bashku, 30-vjetorin e hapjes së Xhamisë së Plumbit në Shkodër, kësaj ngjarjeje të shënuar për komunitetin mysliman dhe mbarë popullin shqiptar”,- shkruan kreu i shtetit në mesazhin e tij.
