Një fëmijë i mitur është përplasur me makinë në Gjirokastër. Policia njofton se 11 vjeçari me iniciale S.P., është pasi ka marrë ndihmën e parë në spitalin e Gjirokastrës është nisur drejt spitalit të Traumës në Tiranë.
Për aksidentin e rëndë, në pranga ka rënë një 45-vjeçar, ndërsa aksidenti ka ndodhur në aksin Gjirokastër-Kakavije.
“Aksidentoi me mjet një këmbësor, arrestohet në flagrancë drejtuesi i mjetit.
Nga specialistët e Sektorit të Qarkullimit Rrugor u arrestua në flagrancë shtetasi S. S., 45 vjeç, banues në Sarandë, pasi në aksin rrugor Gjirokastër-Kakavije, në vendin e quajtur “Ura e Çapos” , ky shtetas duke drejtuar automjetin tip “Renault”, ka aksidentuar shtetasin e mitur S. P., 11 vjeç.
Shtetasi S. P. pasi ka marrë ndihmën mjekësore në spitalin Rajonal Gjirokastër, është transportuar për mjekim më të specializuar në spitalin e Traumës në Tiranë.”, njofton policia.
Materialet i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.
