Policia e Elbasanit i ka vënë prangat një 34-vjeçari i cili dyshohet se ka përplasur me automjet një motor në të cilin udhëtonin dy 15-vjeçarë dhe si pasojë njëri prej tyre humbi jetën e tjetri u plagos.
Në pranga ra shtetasi me inicialet T. N., 34 vjeç, banues në fshatin Gjyralë, Cërrik, i cili akuzohet për veprën penale, “Shkelja e rregullave të qarkullimit rrugor”.
Njoftimi i policisë:
Specialistët e Qarkullimit Rrugor arrestuan në flagrancë shtetasit:
-T. N., 34 vjeç, banues në fshatin Gjyralë, Cërrik, për veprën penale, “Shkelja e rregullave të qarkullimit rrugor”, pasi duke drejtuar automjetin, në aksin rrugor Belsh – Marinë, është përplasur me një motomjet. Si pasojë e përplasjes ka ndërruar jetë drejtuesi i motomjetit dhe është dëmtuar pasagjeri në të;
Si pasojë e përplasjes ka ndërruar jetë drejtuesi i motomjetit, shtetasi O. M, 15-vjeç ndërsa pasagjeri në motomjet, shtetasi K. P ., 15 vjeç ndodhet në Spitalin Kirurgjik të Elbasanit, nën kujdesin e mjekëve.
