Mbrëmjen e sotme u shënua një aksident me pasoja tragjike në aksin Tiranë- Fushë Krujë, pranë fshatit Dritas, ku si pasojë e futjes së gabuar në rrugë të një automjeti, u përplasën tre automjete, ku një drejtues mjeti humbi jetën dhe 6 persona mbetën të plagosur rëndë.
Sipas raportimeve midis të plagosurve është edhe një fëmijë 1 vjeçar
Mësohet po kështu se gjendja e disa prej personave të aksidentuar është e rëndë, ndërkohë që ata janë transportuar në Spitalin e Traumës në Tiranë.
Durrës/Informacion paraprak
Më datë 01.03.2020, rreth orës 17:30, në aksin rrugor Tiranë-Fushë Krujë, në Tapizë, janë përplasur mjeti tip “Benz” me një mjet tip “Volksëagen” me drejtues shtetasin F.Xh.,59 vjeç, i cili për pasojë ka ndërruar jetë. Po si pasojë e përplasjes janë dëmtuar dhe 6 pasagjerë të tjerë të autoveturës dhe autobuzit,të cilët janë dërguar në spital nën kujdesin e mjekëve jashtë rrezikut për jetën. Grupi hetimor ndodhet në vendngjarje dhe po punon zbardhjen e shkakut të aksidentit”, njofton policia.
