(baladë)
Qyteti atë ditë
nuk dëgjoj këmbanë,
veç krismat e Tij…
derdhur mbi Pashanë!
Zgjove gjith Parisin
në Francë bënë habinë
Kur the qetë qetë:
Vrava… tradhëtinë!
Historia jote
vërtetë shumë e rrallë.
Qëndron dejt në bronz
legjendë dhe në varr!
Shtatore çuditshme
ti që ke një emër,
dëshmori poshtë teje
ku e ka at’ zemër ?!
Ehhh kjo zemra jote
sa shumë atdhetare;
në një enë prej qelqi
simbolikë shqiptare !
Të zgjodhi Kosova
si një lab të rrallè;
sa krenar u the:
Jam dhe kosovar!
Zjarrin brënda shpirtit
në pishtar e vure,
dritë e flakë për dije
zjarr dhe për kobure.
Prit të t’puth nagantin
dhe ballin e larë.
Zemra jote sipër
përmbi çdo altar!
Avni Libohova
Avni Labëria
dora nuk t’u drodh!
Qëllon Shqipëria!
