Më jep një Sharjah-
të jap një Tanganikë.
Dëgjova shteti UAR
do prishet në Afrikë.
Një Eritre të moçme
Ta ndërrojë me Rodezinë.
E kam një Ceilon, dua Birmaninë…
Kush di çfarë ndodh nesër
me Jugosllavinë…
Kështu shkëmbenim pullat;
mësonim dhe për vete.
Sa shpejt rodhi koha…
Ç’u bënë gjithë ato shtete?
Ca u ndanë për fare,
ca të tjerë bashkohen.
Shtetet janë si njerëzit
Grinden dhe pajtohen.
