Kam shkruar në mbrojtje të mbretërimit të jetës
dhe jam pikëlluar:
kërkojnë paqë dhe bukë
fëmijët jetimë të plagëve
dhe mëmat kallogre me varre në shpinë
nuk kam thënë “heshtje” “hije” “turmë”
dhe kështu me radhë
i kam vënë emrin e vet çdo njeriu
atij që dhjet mbi kokën e botës
e atij që vjen nga luftrat shkatërruar
atij që vret
dhe atij që vritet
mëmës që është një klithmë dhimbje në një udhëkryq
a mbi një varr
dhe atij që nuk arrin të numërojë dollarët e përgjakur
“nga njeriu tek drejtësia është lumi i gjaktë i fitimeve”
“oqean paqësor bota” është një gënjeshtër në dritë
mbyten aty të nesërmet
dhe rriten peshakqenë pa numër çdo çast
ju kërkoj paqë dhe bukë
për ata që vijnë nga luftrat
shaktërruar
