Francezët kanë një fjalë të urtë:
“Të gjithë gënjeshtarët janë hajdutë.”
Besoj se keni dëgjuar mjaft fjalime
frymëzuese
pas të cilave, fshihen vepra të turpshme
gjithmonë të shkëputura nga realiteti
me këta hajdutë drejtohet shteti!
Ju që votoni maskarenj e tradhëtarë,
nuk jeni viktima, por bashkëpunëtorë
trushplarë.
Shumë zuzarë i graduat deputet,
drejtorë e kryetarë.
Horrat e batakçinjtë zunë vend të parë
pas çdo karriere të pamerituar
fshihet një maskarallëk,
sepse qeverisjen e konsiderojnë
si biznes privat.
Duke i ndarë njerëzit në vegla dhe armiq
në fund, të gjithë dalin të liq.
Por vetëm llumi ju do e ju voton
kush shkon pas brumbullit
në pleh përfundon.
Propaganda dhe spektakli janë mashtrim.
Nuk na duhet përshtatja:
kërkohet rebelim.
Nga veza e korbit nuk dalin pëllumba
një shpirt skllavi s’di çfarë është dhuna!
Mjet më i mirë kundër ligjit është
paturpësia
nënshtrimi ndaj padrejtësive
është vetë fatkeqësia.
Kemi mbetur pak popull dhe pa rini
ku më shumë vdesin se lindin fëmijë!
Regjimet urrejnë ata që mendojnë
dhe thonë të vërtetën,
protoganist narcist e hipokrit
fsheh realitetn.
Vlera juaj nuk matet me ato që grabisni.
Ajo tregohet me shërbimin ndaj popullit.
Kur mirëqënien ia rrisni
Krimi mbrohet nga shtet e politika.
Popullin e mban nën zgjedhë
injoranca e frika
Ju nuk skuqeni, nuk zverdheni,
as nuk ndryshoni ngjyrë.
Kështu, një ditë do të ikni nga kjo botë
si të pafytyrë.
Nuk ka shtet pa sundim të ligjit
kur gjithçka i lihet në dorë Maliqit.
Shoqëri e mpirë, popull i zhgënjyer
marrë peng nga maskarenj
e sharlatanë të urryer.
Dhe prapë do të prisni
derisa të vijë vjeshta,
por harroni se gënjeshtra mbrohet
vetëm me gënjeshtra.
E nëse i zoti për asgjë nuk je,
me krenari e arrogancë,
sunduesi po të thotë;
më mbaj mbi kurriz, se mirë e ke,
ndërsa t vazhdon t’i shërbesh djallit
pa e kuptuar se po gabon!
Ai, me bujari, ferrin po të dhuron.
